УИХ-ын гишүүн асан М.Зоригт  сайхан бүсгүйчүүд цугласан газарт фото аппаратаа барин очих нь олонтаа.  УИХ-ын гишүүний ажлынхаа  хажуугаар фото зураг авах  хоббигоо орхиогүй тэрбээр өнгөрөгч сонгуульд унаснаасаа хойш бүр ч завтай болжээ. Тэрбээр  "Шүүдэр дундуур" уран сайхны киноны Ерөнхий продюссерээр ажиллахдаа "Хадлан" нэртэй дээлний шинэ загвар гаргасан гэнэ.  Тус киноны багагүй хэсэг нь хадлангийн талбайд  өрнөдөг бөгөөд  хөнгөн, өмсөж тайлахад хялбар, салхи нэвтрүүлэхгүй, аялалд зориулагдсан, ус тогтохгүй, норохгүй, гэрийн нөхцөлд угааж болох гээд олон давуу талтай дээлний загварын санаа гаргасан байна. 

Тэрбээр Хадлан  загварын дээлээ өөрөө өмсөж элдэв арга хэмжээнд оролцох болжээ. Хамгийн сүүлд Дэлхий мисс-2017 тэмцээнд Монгол Улсаа төлөөлөн оролцох гэж байгаа мисс А.Баярцэцэгт  Хадлан загварын дээлээ бэлэглэж, амжилт хүссэн байна. Тус арга хэмжээнд тэрбээр  Хадлан загварын дээлээ өмсөж  ирсэн нь олны сонирхлыг ихэд татсан гэнэ шүү.

Г.Ялгуун