Хэнтий аймгийн Батноров сумын төвд оршин суух иргэн З-ийн гэрт 2016 оны 12 дугаар сарын 07-ноос 08-нд шилжих шөнө хулгай орж хуучны 3 ширхэг хөөрөг, 10 хайрцаг тамхи алдагдсан гэх дуудлагын дагуу эрүүгийн ахлах төлөөлөгч, цагдаагийн ахмад Ж.Батжаргалаар ахлуулсан, мөрдөн байцаагч, цагдаагийн дэслэгч Г.Ганхуяг, шинжээч, цагдаагийн дэслэгч Т.Төгөлдөр, туслах төлөөлөгч цагдаагийн ахлах ахлагч О.Түмэнжаргал, цагдаа-жолооч, цагдаагийн ахлагч И.Эрдэнэтогтох нарын бүрэлдэхүүнтэй ажлын хэсэг очиж, хэргийг халуун мөрөөр нь илрүүлэн шалгаж эхэллээ. Үүнд цагдаагийн ахлах ахлагч О.Түмэнжаргалын сургаж байгаа "Молли"  нэртэй албаны эрэлч нохой сэжигтэн этгээдийн гутлын мөрний үнэрийг хөөн сэжигтэн этгээд О-г таньж, хулгайн эд зүйлсийн нуусан газрыг илрүүлжээ.