Цэнхэр дэлгэц, сошиал ертөнцөөр хэдийнээ олны танил болсон энэ эрхэмд олон нийт өмгөөлөгч гэхээсээ илүү ”поп”, "шоучин”, "шантаажчин” гэх тодотголуудыг өгөх болжээ.

Улс төр, урлаг соёл, шашин, уул уурхай гээд энэ хүн нийгэмд, олон нийтийн дунд аль л хөндүүр, сенсаацтай асуудал бүрээр "шоу”-даж өөрийгөө рекламддаг. Гэвч мэргэжлийн ур чадварын хувьд тэр гавьтай ялалт байгуулж байсангүй.

Жишээлбэл: Х.Тэмүүжин сайдтай нэр холбогдсон Г.Сарангэрэлийн хэрэг, хэвлэн нийтэлснийхээ төлөө буруутгагдсан сэтгүүлч С.Баттулгын хэрэг зэрэг дээр ажилласан ч үйлчлүүлэгчээ өмгөөлж чадаагүй, дараа нь Халх голын асуудал яригдаж эхлэхэд олон нийтийн мэдээллийн хэрэгслээр Бурмаа сайдын эсрэг мэдээлэл хийсэн.Түүний энэ үйлдлийг Сүхбаатар дүүргийн шүүхээс хүний нэр төрд халдсан хэмээн буруутгасан, Мөн жүжигчин Амарсайханыг "Би юу хийчихвээ” гэж гарч ирэхэд 16-20 жилийн ял оноохоор зүтгэсэн ч мөн л бүтээгүй. "Мүүн”-ий асуудлаар сэтгүүлч Б.Мөнхбаясгаланг шантаажилж шалгуулж байсан.

Хамгийн сүүлд "Хар сарнай” хамтлагийн дуучин Амармандахыг Оросын дипломатич зодсон хэрэг дээр өмгөөлөгч хийж байгаа гээд дахин гарч ирлээ. Ингэхдээ буруу зөрүү мэдээлэл хийж, хоёр орны найрамдалт харилцаанд сөргөөр нөлөөлөхүйц байдлыг хүртэл бий болгох шахав.

Тиймээс ОХУ-ын Элчин сайдын яамнас өмгөөлөгч Г.Батбаяртай дахин харилцах хүсэлгүй байгаа гэдгээ албан ёсоор уламжлаад авсан.Ийм л нэг өмгөөлөгч өөрийн эрх ашгийн төлөө бусдын зовлонгоор тоглолт хийж явна. Ер нь өмгөөлөгчдийн нэр хүнд их л унагаж яваа хүн гэж тодотгож болох юм. Чадвар, мэдлэгийг нь тогтоож, амжихгүй бол эрхийг нь хасдаг, мэргэжлийн үүднээс ёс зүй алдсан хариуцлагагүй байдал бүрт арга хэмжээ авдаг болчихмоор.