Яг одоо С.Зориг агсныг хөнөөсөн хэргийн шүүх хурал ШШГЕГ-ын харьяа Цагдан хорих 461 дүгээр ангид эхлэх гэж байна. Шүүх танхимд шүүх бүрэлдэхүүн болон шүүгчдэгч, хохирогч талын ар гэрийнхэн, мөн хэвлэлийнхнийг оруулж, шүүх хурал эхлэх бэлтгэл хангагдаад байгаа юм. Одоогийн байдлаар шүүгдэгч нар шүүх танхимд орж ирээгүй байна.

С.Зориг агсны амь насыг бүрэлгэсэн хэрэгт шүүгдэгч Ц.Амгаланбаатар нарын гурван хүнийг Эрүүгийн хуулийн тусгай ангийн 91.2.1, 91.2.4, 91.2.6, 91.2.10, 91.2.11, 91.2.12, 91.2.13, 91.2.16 гэсэн зүйл заалтаар шүүнэ. Шүүх хуралд Ерөнхий шүүгчээр М.Алдар, шүүгч Б.Мөнх-Эрдэнэ, С.Оюунчимэг нар оролцох юм. Мөн өмгөөлөгчөөр Л.Мөнхтөр, С.Оюунцэцэг, Д.Дашдорж, Л.Энхсайхан, улсын яллагчаар Б.Батжаргал, Ж.Сандагсүрэн, хохирогчоор С.Оюун оролцоно.