Хятад улс маргаантай газар нутагт хиймэл арал байгуулан, зэвсгээ байрлуулжээ
Өмнөд Хятадын тэнгисийн газар нутгийн маргаан удтал үргэлжилж байна. Тэгвэл Хятад улс тус нутагт долоон хиймэл арал бүтээн, хамгаалалтын зэвсгээ байрлуулж, нисэх онгоцны хөөрөх, буух зурвас байгуулжээ.
Бээжин Өмнөд Хятадын тэнгисийн маргаантай хэсгүүдэд арал үүсгэж эхлэхдээ түүнийг цэргийн зориулалтаар ашиглахгүй гэж мэдэгдэж байсан. Гэтэл Азийн далай, тэнгисийн ил тод байдлын санаачлага буюу AMTI-гийн мэдэгдснээр арал бүрт нисэх онгоцны буу, ойрын зайны зэвсгээс хамгаалах систем байрлуулжээ.
Энэ нь олон улсын хууль журмыг зөрчсөнийг АНУ шүүмжилсэн байна.
Түүнчлэн "Энэ нь Өмнөд Хятадын тэнгист урьдчилан тааварлаагүй зэвсэгт мөргөлдөөн гарахаас Хятад улс сүрхий сэргийлж байгаа нь харагдаж байна" гэж AMTI мэдэгдсэн банйа.
Өмнөд Хятадын тэнгис нь дэлхийн гол усан замд тооцогддог. Түүнээс гадна байгалийн хийн асар их нөөцтэй байж болзошгүй. Тиймээс энэхүү ашигтай газрыг өөрийн мэдлийн болгохын тулд Хятад, Филиппин, Бруней, Малайз, Вьетнам улс өрсөлдөж байгаа юм.
Хятад улс сүүлийн жилүүдэд зэвсгийн хүчээ нэмэгдүүлсээр агаарын бааз, радар, харилцааны систем, тэнгисийн байгууламж болон хуурай газрын хамгаалалтын зэвсэгтэй болжээ.
Эх сурвалж: The Guardian
Сэтгэгдэл байхгүй байна.