Бээжин, Вашингтоны харилцаа хурцдаад буй Өмнөд Хятадын тэнгис дэх Хятадын тэнгисийн цэргийн флотод Францын тэнгисийн цэргийн хөлөг онгоц очжээ.

Дөрвөн өдрийн "нөхөрсөг айлчлал” хийхээр Гуандун мужийн Жанзян боомтод "The Vendémiaire” хөлөг онгоц ирлээ гэж Хятадын чөлөөлөх армийн түшмэл мэдээллээ.

Далайн гэнэтийн ослоос сэргийлэх цэргийн сургуулилтад Францын хөлөг онгоц оролцон, Хятад, Францын усан цэргийн бүрэлдэхүүн нэг нэгнийхээ хөлөг онгоцонд айлчилж, хөл бөмбөг тоглох ажээ.

Энэ үйл явдал хоёр орны тэнгисийн цэргийн харилцан ойлголцол, итгэл, хамтын ажиллагааг бэхжүүлнэ гэж түшмэл нэмж хэлсэн байна.

"The Vendémiaire” цэргийн хөлөг онгоцны энэ удаагийн буюу найм дахь удаагийн аялал Францын Ерөнхийлөгч Франсуа Олландын айлчлалын өмнө болж байна. Тэрбээр ирэх долоо хоногт Хятадад айлчлах юм.

Хятадын хиймэл арлын ойролцоо эргүүл хийхээр мина тээгч хөлөг онгоц илгээх шийдвэрийг АНУ гаргасныг Бээжин шүүмжлээд зогсохгүй, анхааруулга өгч, эсэргүүцлээ илэрхийлэхээр Хятад дахь АНУ-ын Элчин сайдыг Бээжин дуудсан юм.  Франц, АНУ улс нь Умард Атлантын цэргийн эвслийн гол гишүүд билээ.

Х.Аминаа