Турк улсад сүүлийн үед террорист бүлэглэлүүдийн алан хядах үйл ажиллагаа ойрхон давтамжтай үйлдэгдэх болсон. Тодруулбал, өчигдөр буюу энэ сарын 19-ний өдөр ОХУ-ын Элчин сайд Анкара хотод зургийн үзэсгэлэнгийн нээлтийн үйл ажиллагаанд оролцон үг хэлж байхдаа буудуулж амиа алдсан талаар мэдээлэл хүргэсэн билээ.

Энэ сарын 10-ны өдөр Стамбул хотод амиа золиослогч этгээд тэсрэх бөмбөг суурилуулсан автомашин дэлбэлсний улмаас 38 хүн амь үрэгдэж, 170 орчим хүн гэмтэж бэртсэн юм. Иймд Турк улсад ажиллаж, амьдарч буй монгол иргэдийг сонор сэрэмжтэй байж, өөрсдийн амь нас, аюулгүй байдлын үүднээс хотын төв, онгоцны буудал, худалдааны төв гэх мэт олон хүн цугларсан газруудаар явахгүй байхыг албаныхан анхааруулсан байна.

Б.ГЭРЭЛ