1980-аад оны урлагийн ертөнцийн нэгэн сод уран бүтээлч, нэртэй дуучин Жорж Майкл 53 насандаа өөд болжээ. Түүнийг Английн Оксфордшир дахь гэртээ бурхан болсныг мэдэгдлээ. Одоогоор түүний үхлийн шалтгаан тодорхойгүй байгаа аж.

Жорж Майкл Грек гаралтай. Лондонд 1963 оны зургадугаар сарын 25-нд төрсөн бөгөөд урлагийн карьераа "Wham" хамтлагаар эхэлсэн. Тэдний 1983 онд гаргасан "Fantastic" цомог нь Их Британид багагүй амжилтад хүрсэн бол хоёр дахь цомог "Make it Big" нь Англид төдийгүй АНУ-д алдартай болсон юм. Харин Майкл 1987 оноос ганцаараа уран бүтээл туурвих болж, тэр онд гаргасан "Faith" дуугаараа дэлхийн од болсон юм. Ийм нэртэй цомгоороо Майкл Грэммийн шагнал хүртсэн билээ.

Тэрбээр 1991 оноос хойш зургаан цомог гаргасан бөгөөд амьдралынхаа турш 100 сая цомог борлуулсан юм.

Жорж Майкл олон жил ижил хүйстэн гэдгээ нууж байсан бөгөөд 1998 онд олон нийтийн газар садар самуун сурталчилсан хэргээр баривчлагдаж байв