Нийслэлийн агаарын бохирдлыг бууруулахаар хийх ажлуудын дотор гэр хорооллын айлуудын шөнийн цахилгааны тарифыг хөнгөлж, сайжруулсан түлш, сайжруулсан зуух хөтөлбөрийг үргэлжлүүлэхээр болжээ. Улаанбаатарын агаарын бохирдлыг бууруулахад энэ жил нийт 8.7 тэрбум төсөвлөөд буй. Үүнээс 3.9 тэрбум төгрөгийг гэр хорооллын иргэдийн шөнийн цахилгааны тарифыг хөнгөлөхөд, 400 сая төгрөгийг сайжруулсан түлш нийлүүлэхэд, мөн 400 сая төгрөгийг сайжруулсан зуух хөтөлбөрт зориулах аж.

.Мөн "Утаагүй хот-2030” төслийн ажилд 3.1 тэрбум төгрөг төсөвлөсөн бөгөөд энэ нь эхний шатанд хийх ажилд зориулагдах гэнэ. Мөн нэн ядуу болон хөгжлийн бэрхшээлтэй иргэдийг түлшээр хангахад нийслэлийн Засаг даргын нөөц хөрөнгөнөөс 600 сая төгрөг гаргахаар төлөвлөсөн байна