АН-ын генсек нь намынхаа дүрмийг ч мэддэггүй  гэсэн яриа сүүлийн үед сошиалд газар аваад байгаа. Учир нь АН-ын ЕНБД-ын үүрэг гүйцэтгэгч Л.Эрхэмбаяр саяхан хийсэн мэдэгдэлдээ АН-ын шинээр сонгогдох дарга нь ерөнхийлөгчийн сонгуульд нэр дэвшиж болохгүй гэдэг зүйлийг нь ярьсан нь намынхаа гишүүдийн дургүйцлийг хүргээд байгаа юм байна. Л.Эрхэмбаяр нь АН түүхэндээ анхны үүрэг гүйцэтгэгч ЕНБД  төдийгүй намынхаа үндсэн дүрэм цаашлаад үндсэн хуулиа ч эргүүлж хардаггүй нөхөр юм уу гэх нэгэн ч байна.  Намын нарийн бичиг гэдэг хүн наанадаж намын дүрэм, цаанадаж Үндсэн хуулиа мэддэг  байж  Монгол Улсын хоёр дахь том улс төрийн хүчний удирдах бүрэлдэхүүнд ажиллаж ёстой баймаар. Гэтэл  АН –ын үндсэн дүрэмд намын дарга ерөнхийлөгчид нэр дэвшиж болохгүй гэсэн нэг  ч үг өгүүлбэр байдаггүй юм байна. Гэтэл намын генсек Л.Эрхэмбаяр нь Үндсэн хуулиар хамгаалагдсан хүний сонгох, сонгогдох эрх зөрчсөн мэдээллийг олон нийтийн мэдээллийн хэрэгслээр хэнэггүй ярьж суух юм. Монгол Улсын хөгжлийн гарцыг тодорхойлогч гэх нам ийм хүнээр ЕНБД хийлгэж байгаа нь "Урагшгүй ноёнд ухаангүй албад” гэгч болж байгаа гэлтэй.