Авлигатай тэмцэх газар /АТГ/-аас УИХ-ын гишүүн асан Б.Гарамгайбаатарыг шалгаж эхлэснийг эх сурвалж мэдээллээ. Б.Гарамгайбаатар нь Хөгжлийн банкны томоохон зээлдэгч юм байна. Тиймээс түүнийг АТГ Хөгжлийн банк болон бондуудын санхүүжилтэд хийж буй шалгалттайгаа холбогдуулан байцаах болжээ. АТГ-аас томилогдсон ажлын хэсэг Хөгжлийн банкинд хийж буй шалгалтынхаа хүрээнд 1.5 тэрбум төгрөгийн хохирлыг холбогдох этгээдүүдээр нөхөн төлүүлэхээр болсон тухай зарим сайт мэдээлэх болсон. Тэгвэл АТГ-аас Хөгжлийн банкийг тойрсон шалгалтаа эрчимжүүлж, тус банкны томоохон зээлдэгч, аж ахуйн нэгжүүд рүү орж эхэлсэн бололтой.

эх сурвалж: news.mn Д.УУДАМ