Ашигт малтмалын газрын геологич 3 залуу Баянхонгорын захгүй их говьд холбоо тасарчээ гэсэн мэдээлэл зүрх сэтгэлтэй хүн бүрийг цочроосон мэдээлэл байлаа. Ар гэрийнхэн нь санаа зовж 7 сарын 25-ны баасан гарагаас хойш хариуцсан дарга даамал, бүхий л хүмүүст хандсан авч тусыг эс олон УИХ-ын гишүүдэд хандан тусламж гуйж байж сая нэг юм 7 сарын 29-ний өдөр эрлийн ажилгааг асар их цаг алдан байж эхлүүлжээ.

Нисдэг тэргээр эрлийн ажилгааг зохион байгуулах байсан авч ОБЕГ-ын нисдэг тэргүүд хээрийн сургуульд гарсан хэмээх шалтгаанаар эрэлд оролцож чадаагүй харин МАК компанийнхан яаралтай арга хэмжээ авч өөрийн нисдэг тэргээр эрлийн ажилгаанд оролцсон байна.

Баянхонгор аймагт олон хүн өдөр шөнөгүй цаг наргүй хайж байхад харин төрийн төлөө тангараг өргөж эдгээр геологчдын өмнө бүхий л хариуцлагыг хүлээж байх ёстой АМГ-ын даргын ажлыг түр орлон гүйцэтгэгч Д.Үүрийнтуяа гэгч нь найр наадам хэсч явсан нь фото зургаараа цахим орчинд түглээ.

Тэрээр эрлийн ажилгааны үед онцгой хяналт тавьж ажиллах байсан хэдий ч ядаж төрийн албаны тангараг өргөсөн албан хаагч биш юмаа гэхэд алга болсон хүмүүстэй нэг хамт олон ар гэрийнхэнд нь сэтгэл санааны хүн чанарын дэмжлэг үзүүлж байх байсан хэдий ч Индонез улсад томилогдсон шинэхэн элчин сайд Ш.Батцэцэгийн шинэ албан тушаалын найранд аз жаргал баяр хөөртэй нь аргагүй инээж наргиж байгаа нь туйлын харамсалтай.

Удирдагч хүн уг нь Солонгосын ерөнхийлөгч бүсгүй шиг ард түмнээ уйлж сэтгэл санааны хүнд дарамттай амьд үхсэн алин болохыг нь хүлээгээд сууж байгаа ард түмэнтэйгээ хамт сууж байдаг юм билээ. Гэтэл Ардчилсан хэмээх тодотголтой АН-ын ҮЗХ-ны гишүүн хэмээх өндөр албан тушаалтай эрхэмийн үнэн нүүр царай ийм л байна.

http://tsag.mn/3583-uur1.html