Иргэний нисэхийн ерөнхий газрын даргаар ажиллаж байсан С.Батмөнх нарын дөрвөн хүнд холбогдох хэргийг Дүүргийн эрүүгийн хэргийн анхан шатны II дугаар шүүхэд хэлэлцсэн байна. Тодруулбал, ИНЕГ-ын даргаар ажиллаж байсан С.Батмөнх, тус газрын Санхүү, эдийн засгийн ерөнхий менежер асан Г.Наранцэцэг,  Агаарын тээврийн бодлого зохицуулалтын ерөнхий менежер, газрын дарга асан Д.Эрдэнэбат нарыг  эд хөрөнгө завшсан эрх мэдлээ урвуулан ашигласан, мөнгө угаасан гэх үндэслэлээр АТГ-аас багагүй хугацаанд шалгасан. Улмаар шүүхээс "Электрон системс" ХХК-ийн захирлаар ажиллаж байсан М.Батболдод чанга дэглэмтэй хорих долоон жил хорих ял эдлүүлэхээр шийдвэрлэсэн байна.

 

      Харин С.Батмөнх, Д.Эрдэнэбат нарыг албан тушаал, эрх мэдлээ урвуулан ашигласан, төсвийн хөрөнгө завшсан буруутайд тооцон зургаан жил зургаан сарын хугацаанд чанга дэглэмтэй хорих ангид ял эдлүүлэхээр болжээ. Харин Санхүү, эдийн засгийн ерөнхий менежер асан Г.Наранцэцэгийн үйлдэл нь гэмт хэргийн бүрэлдэхүүнгүй гэж шүүх бүрэлдэхүүн үзэж, хэрэгсэхгүй болгожээ.

 

      Улмаар гэм буруутай нь тогтоогдсон гурван хүнээр улсад учруулсан нэг тэрбум 62.9 төгрөгийг төлүүлэхээр болжээ.