Жастин Тимберлэйк гольфын тэмцээнд оролцоно
Жүжигчин, дуучин, гольфчин Жастин
Тимберлэйк амьдралдаа анх удаагаа гольфын аварга шалгаруулах тэмцээнд
оролцох аж. Америкийн алдартнуудын оролцдог уг тэмцээн ирэх сард болох
юм. Муугүй гольфчин Тимберлэйк өөр бусад хэд хэдэн алдартай тамирчидтай
хүч үзэх гэнэ. Тэдний дунд Чарльз Баркли, Аарон Рожерс, Жон Элвэй нар
байгаа.
Тэмцээнийг
зохион байгуулагч "Би Жастинтай олон жил манай тэмцээнд оролцох талаар
ярилцаж байсан. Гэвч тэмцээн болох тоолонд түүний ажлын хуваарь шахуу
байж таардаг. Харин энэ жил Жастин харьцангуй завтай байгаа учраас манай
тэмцээнд оролцож, бусад алдартнуудад үлгэр жишээ болно” хэмээн хэлжээ.
2001 оноос хойш зохиогдож байгаа уг тэмцээний үеэр дөрөв орчим сая
доллар олсон байна. Энэ мөнгийг буяны байгууллагуудад хуваарилж өгдөг
юм.