АНУ-ын Лас-Вегас хотноо болж буй чөлөөт бөхийн дэлхийн аварга шалгаруулах тэмцээний чөлөөтийн төрөл өнгөрсөн шөнөөс эхэллээ.  Эмэгтэйчүүдийн 48кг-д тэмцээний салхийг хагалан барилдсан Э.Нарангэрэл дэлхийн аваргын хошой алтан медальт, "Универсиад" наадмын их аварга  Японы алдарт бөх Эри Тосакатай оноолт таарч 0:10 оноогоор цэвэр ялагдлаа. Ингэснээр тэмцээнээ дуусгаж байгаа юм. 

Тэгвэл 69 кг-д зодоглосон О.Насанбурмаа өнгөтэй байж, хүрэл медалийн төлөө барилдахаар шалгарч үлдлээ.  Тэрбээр эхний тойрогтоо Унгарын бөх Уилсоныг цэвэр ялж, дараагийн тойрогт Польшийн бех Войчек Кордусыг 10:6-аар ялж шигшээ наймд үлдсэн.

Хагас шигшээд үлдэхийн төлөө Казахстаны Эльмира Сыздыковатай барилдсан. О.Насанбурмаа барилдааны эхнээс оноогоор илүүрхсээр Казахстаны бөхийг 8:6-гаар ялж хагас шигшээд шалгарсан юм.

Харамсалтай нь хагас шигшээд 2012 оны залуучуудын дэлхийн аварга, Азийн наадмын аварга Хятадын бөхөд Зоу Фэнд 14:4 оноогоор ялагдснаар хүрэл медалийн төлөө барилдахаар боллоо. Ингэснээр хүрлийн төлөө  дэлхийн аваргын мөнгө, хүрэл медальт Японы Сара Дошатай тулна.