Дундговь аймгийн Дэлгэрцогт сумын харьяат, Монгол улсын өсөх идэр, үнэн зоригт, цогт гарамгай харцага Лхагвасүрэнгийн Пүрэвжавын нэрэмжит улс, аймгийн алдар цолтой хүчит 128 бөхийн барилдаан өчигдөр/2024.04.21/ боллоо. Тус барилдаанд  Булган аймгийн Хишиг-Өндөр сумын харьяат, улсын начин Б.Түвшинтөгс түрүүлж, Өвөрхангай аймгийн Төгрөг сумын харьяат, улсын гарьд Ц.Бямба-Отгон үзүүрлэв. Шөвгийн дөрөвт Булган аймгийн Орхон сумын харьяат, улсын начин Б.Түмэндэмбэрэл, Архангай аймгийн Ихтамир сумын харьяат, аймгийн өсөх начин Д. Төрбаяр нар шалгарлаа.Харин шөвгийн наймд аймгийн хурц арслан Н.Өсөхбаяр, Ц.Мөнхбаяр, цэргийн арслан Г.Жамбалдорж, аймгийн заан С.Доржпалам нар үлдэв.

Нэрэмжит барилдаанаа зохион байгуулж буй улсын харцага Л.Пүрэвжавт МҮБХ болон нутгийн олон, ахан дүүс, найз нөхөд, "Ээлт хан” галын бөхчүүд зэрэг олон хүмүүс хүндэтгэл үзүүлж байлаа.