2012 оны сон­гуулиар МАН-аас Хөвсгөл аймагт нэр дэв­ших боломж­гүй гэдгээ сонс­сон УИХ-ын гишүүн Ц.Даваасүрэн яаж ийж байгаад дахин сонгогдох гэсэн хүслээ хэрхэн гүй­цэл­дүүлснийг тэр бүр хүмүүс мэдэхгүй. 
    
Ганц үнэн бол тэрбээр нутагтаа нэр хүнд гайгүй байсан тул хайрт намаа жийж, бие даан нэр дэв­шин улмаар яалт ч үгүй хоншоор заан гишүүнээр да­хин сонгогдсон билээ. Ул­маар УИХ-д бие даан нэр дэвшиж сонгогдсон "Үйлдвэрчний” Ганбаа, Дорнодын гурилын үйлд­­вэрийн эзэн С.Болорчулуун нартай нэг­дэж, Засгийн газрын үйл ажиллагааг шүүмжлэн бяцхан сөрөг хүчний дүрийг эсгэж эхэлсэн юм. Тэр үед Ерөнхий сайд асан Н.Алтанхуяг ИНЕГ-ыг бие даагчдын мэдэлд өгсөн нь ёстой л нэг хэл ам дагуулсан. Угаасаа мөнхийн хэл амтай дээрх газрын дарга, цэргийг хууль бусаар халж, өөрс­дийнхөө хүмүүсийг шинэ­хэн албан тушаалд то­милж, дунд чөмгөөрөө жир­гэ­сэн ч энэ явдал удаан үргэлжилсэнгүй. 
    
Засгийн газрын үйл ажиллагааг дэмжих бус эсэргүүцэн жонгинох бол­сон тэдгээр нөхдийн амыг хаах гэсэн биш улам илүү гай болсон нь энэ ажээ. Тэгвэл Ч.Сайханбилэгийн Засгийн газраас хөөгдсөн МАН-ын зургаан сайдын оронд эхлээд Хөдөлмөрийн сайдын суудлыг С.Ганбаатарт санал болгосон ч тэрбээр эелдэг­хэн татгалзсан тул ул­маар бие даагчдыг гар­таа оруулахын тулд Ц.Даваасүрэн гишүүнд уг суудлыг амлажээ. Гэтэл юм үзээгүй Ц.Даваасүрэн ги­шүүн Сангийн сайд болно гэж томорсон байна. Мэдээж хэрэг, АН юу гэж Сангийн яамыг гуравхан санал авахын төлөө өгөхөв дээ. Тиймээс тэдний тохи­рол­цоо санасанд хүрээгүй тул Ц.Даваасүрэн гишүүн Ерөнхий сайдын хаалгыг ууртайхан савж гарчээ. 
    
Намынхаа хаалгыг савж чадсан хүн Ерөнхий сайдын хаалгыг савах энүүхэнд юм. Тэрбээр үнэхээр шударга нэгэн бол ирэх сонгууль болтол шударга бие даагчийн дүр эсгэж, Засгийн газрын үйл ажиллагааг шүүмжилж, сөрөг хүчний байр суурин дээрээ ажиллаж болох л байлаа. 
    
Гэвч албан тушаалын хэнээтэй нэгэн гэдэг нь дээрх бүтэлгүй уулзалтад оролцсоноос нь тодхон ха­рагдаж байна. Үүний да­раахан Ц.Даваасүрэн гишүүн хэвлэлийнхэнд хан­даж сүржин мэдэгдэл хийх­дээ "Бие даагчид бид Оюутолгойн гэрээг Дубайд очиж хууль бусаар зурсан Ч.Сайханбилэгийн багт хамтрахгүй. Харин Ерөнхий сайдыг огцруулах өмнөх байр суурь хэвээр байгаа” гэсэн мэдээллийг өгчээ. 
    
Энэ бүхнээс хара­хад, Ц.Даваасүрэн яахаас ч буцахгүй хоёр нүүр­тэн гэдэг нь тодор­хой байна. Учир юун гэ­вэл, хэрэвзээ тэрбээр Сан­гийн сайд болсон бол дээр өгүүлсэнчлэн Ч.Сайханбилэгийн багт орж ажил­лах нь тодорхой байлаа. Харин сайд бо­лоо­гүй тул шарандаа шал өөр тэнэг мэдэгдэл хийж, өөрийгөө улам эв­гүй байдалд оруулж, хэн болохоо илчиллээ дээ. Эх сурвалж www.wikimon.mn

2012 оны сон­гуулиар МАН-аас Хөвсгөл аймагт нэр дэв­ших боломж­гүй гэдгээ сонс­сон УИХ-ын гишүүн Ц.Даваасүрэн яаж ийж байгаад дахин сонгогдох гэсэн хүслээ хэрхэн гүй­цэл­дүүлснийг тэр бүр хүмүүс мэдэхгүй. 
    
Ганц үнэн бол тэрбээр нутагтаа нэр хүнд гайгүй байсан тул хайрт намаа жийж, бие даан нэр дэв­шин улмаар яалт ч үгүй хоншоор заан гишүүнээр да­хин сонгогдсон билээ. Ул­маар УИХ-д бие даан нэр дэвшиж сонгогдсон "Үйлдвэрчний” Ганбаа, Дорнодын гурилын үйлд­­вэрийн эзэн С.Болорчулуун нартай нэг­дэж, Засгийн газрын үйл ажиллагааг шүүмжлэн бяцхан сөрөг хүчний дүрийг эсгэж эхэлсэн юм. Тэр үед Ерөнхий сайд асан Н.Алтанхуяг ИНЕГ-ыг бие даагчдын мэдэлд өгсөн нь ёстой л нэг хэл ам дагуулсан. Угаасаа мөнхийн хэл амтай дээрх газрын дарга, цэргийг хууль бусаар халж, өөрс­дийнхөө хүмүүсийг шинэ­хэн албан тушаалд то­милж, дунд чөмгөөрөө жир­гэ­сэн ч энэ явдал удаан үргэлжилсэнгүй. 
    
Засгийн газрын үйл ажиллагааг дэмжих бус эсэргүүцэн жонгинох бол­сон тэдгээр нөхдийн амыг хаах гэсэн биш улам илүү гай болсон нь энэ ажээ. Тэгвэл Ч.Сайханбилэгийн Засгийн газраас хөөгдсөн МАН-ын зургаан сайдын оронд эхлээд Хөдөлмөрийн сайдын суудлыг С.Ганбаатарт санал болгосон ч тэрбээр эелдэг­хэн татгалзсан тул ул­маар бие даагчдыг гар­таа оруулахын тулд Ц.Даваасүрэн гишүүнд уг суудлыг амлажээ. Гэтэл юм үзээгүй Ц.Даваасүрэн ги­шүүн Сангийн сайд болно гэж томорсон байна. Мэдээж хэрэг, АН юу гэж Сангийн яамыг гуравхан санал авахын төлөө өгөхөв дээ. Тиймээс тэдний тохи­рол­цоо санасанд хүрээгүй тул Ц.Даваасүрэн гишүүн Ерөнхий сайдын хаалгыг ууртайхан савж гарчээ. 
    
Намынхаа хаалгыг савж чадсан хүн Ерөнхий сайдын хаалгыг савах энүүхэнд юм. Тэрбээр үнэхээр шударга нэгэн бол ирэх сонгууль болтол шударга бие даагчийн дүр эсгэж, Засгийн газрын үйл ажиллагааг шүүмжилж, сөрөг хүчний байр суурин дээрээ ажиллаж болох л байлаа. 
    
Гэвч албан тушаалын хэнээтэй нэгэн гэдэг нь дээрх бүтэлгүй уулзалтад оролцсоноос нь тодхон ха­рагдаж байна. Үүний да­раахан Ц.Даваасүрэн гишүүн хэвлэлийнхэнд хан­даж сүржин мэдэгдэл хийх­дээ "Бие даагчид бид Оюутолгойн гэрээг Дубайд очиж хууль бусаар зурсан Ч.Сайханбилэгийн багт хамтрахгүй. Харин Ерөнхий сайдыг огцруулах өмнөх байр суурь хэвээр байгаа” гэсэн мэдээллийг өгчээ. 
    
Энэ бүхнээс хара­хад, Ц.Даваасүрэн яахаас ч буцахгүй хоёр нүүр­тэн гэдэг нь тодор­хой байна. Учир юун гэ­вэл, хэрэвзээ тэрбээр Сан­гийн сайд болсон бол дээр өгүүлсэнчлэн Ч.Сайханбилэгийн багт орж ажил­лах нь тодорхой байлаа. Харин сайд бо­лоо­гүй тул шарандаа шал өөр тэнэг мэдэгдэл хийж, өөрийгөө улам эв­гүй байдалд оруулж, хэн болохоо илчиллээ дээ. Эх сурвалж www.wikimon.mn