Нэлээд хэдэн хоногийн өмнө, дөнгөж ажлаасаа ирээд амрах зуураа өөрийн эхлүүлсэн бяцхан төслөө хийж суутал finder-н минь хажуу буланд үл таних /alex_pc, narka_pc/ гэсэн хоёр нэр гарсан байгааг анзаарлаа. Ямар учиртай юм бол гээд шалгах гэтэл нүдний өмнө alex_pc нь алга болов. Энэ үед надад ихэд сэжиг төрсөн тул дариу өөрийн том хар хайрцгаа/desktop/ асаан миний гэрийн сүлжээнд яг юу болоод байгааг олж мэдэхээр шийдэж, том хар хайрцгаас бусад бүх сүлжээнд холбогдсон төхөөрөмжүүдээ салгалаа. Ингээд хамгийн түрүүнд сүлжээнд байсан төхөөрөмж байгаа эсэхийг харвал narka_pc нь байсан хэвээрээ л байв.

Үүний цаана өөр надад мэдэгдэхгүй хэдэн төхөөрөмж миний хувийн дотоод сүлжээнд орж байгааг мэдэхээр nmap ашиглан 192.168.1.1/24 zone-д scan хийвэл хоёр үл таних юм байгааг оллоо.

IP: 192.168.1.7 / MAC: 20:16:D8:68:63:60/
IP: 192.168.1.8 /MAC: D0:DF:9A:43:E3:DC/ <- Narka_PC

Энэ хоёр миний сүлжээнд юу хийж байна гээд wireshark-аар сүлжээгээ чагнах гэж бэлдэж байтал өнөө хоёр чинь сүлжээнээс гараад явчихлаа. Ингээд тэр орой яг юу болсныг хараахан мэдэж чадаагүй тул нэлээд бухимдуу өнгөрөв :(. Харин маргааш өглөө дахин сүлжээгээ шалгавал нөгөө нөхөр ч ороод иржээ. Урьд шөнө гэнэт алга болохоор нь их бухимдаж байсан хүн чинь харин ороод ирэхээр нь инээд хүрээд  цаанаа л нэг баяртай угтан авлаа :). Нэгэнт бүх зүйлээ бэлдсэн байсан тул

энэ цагаас эхлэн миний сүлжээнд, миний дүрмээр тоглох болно!!!.

Бэлтгэлтэй байсан тул тэр дариу wireshark-аа асаан ~2:30 цагийн турш сүлжээнээсээ ~2гб өгөгдөл барьж авлаа. Үгүй бас дураараа хэмжээ хязгааргүй хүний сүлжээг ашиглаж байгаа нөхөр байна гэж бодон өдөржин өнөө 2гб пакеттай зууралдлаа харамсалтай нь ихэнх нь торрент болон баахан хэрэггүй пакет байсан тул чагнах ажиллагааг дахин тэр шөнө эхлүүлэн бүтэн шөнөжин пакет хураав /~6 цаг/. Өглөө нь босоод урьд шөнө эхлүүлсэн ажил минь хир амжилттайг харвал ~1.5гб пакет хураажээ. Тэр пакетаа шинжиж үзвэл энэ удаа овоо хэрэг болохоор хэд хэдэн мэдээлэл орсон байгааг мэдлээ.

пакетуудаас харвал манай сүлжээнд тухайн шөнө нэг компьютер, нэг android мөн нэг iphone оржээ.

Үүний дараа хэрэгтэй пакет дундаас хэдэн холболтын session-уудыг сэргэх оролдлого хийж, яг ямар этгээд миний сүлжээнд дураараа дургиад байгааг мэдэх боломжтой болов.

Эхний сэргээсэн session нь youtube байв. энэ session дээрээс миний сүлжээнд орсон этгээдийн rocketmail дээрх цахим шууданг олж мэдэв.

Үүний дараа өөр нэг сэргээсэн session нь instagram байв.

уг session дээрээс харвал нэг этгээд миний сүлжээнд олон төхөөрөмжөөр зэрэг орж байгаа нь ойлгомжтой болов. Ингээд цааш сонирхон хэд хэдэн холболтын session-ыг харвал мань эр хар шөнө google-ээс "Ben Ladin”, "Mongol girl 18” гэх мэт түлхүүр үгсээр хайлт хийсэн байлаа. Мөн манай байрны аль хавьд байдаг нөхөр болох нь утас дээрээс нь илгээсэн gps-н мэдээллээс харагдаж байсан юм.

Нэгэнт ямар email-тай мөн цахим орчинд ашигладаг нэрийг нь мэдсэн тул одоо зүс царай, хаана юу хийдэг болон манай гэрийн муу сул нууц үгтэй сүлжээг эвдэх чадвартай эсэхийг нь мэдэх хэрэгтэй байсан тул олсон мэдээлэл дээр тулгуурлан тандалт хийв. Харин үр дүнд нь мань нөхрийн талаар багагүй мэдээлэлтэй болов.

хүйс: Эр
яс үндэс: Казак
хаана юу хийдэг: Анагаахад сурдаг, Гоодаль студийн фото модель бололтой /би загварын залуучуудыг их л боловсон, ёс суртахуунтай гэж бодож байтал, тийм биш бололтой!/.
IT-н мэдлэг: тийм ч өндөр биш, зөвхөн хэрэглээний түвшинд.

Энэ залууг манай гэрийн сүлжээний нууц үг ямар хялбархан байсан ч шууд эвдээд ороод ирэх тийм чадвартай гэж бодохгүй байна. Магадгүй найз нөхөд, ах дүү нь эвдэж өгсөн юм болов уу? мэдэхгүй юм, байж болох л санаа. Гэхдээ хамгийн түрүүнд хардах газар бол Unvision шүү дээ. Учир нь миний нууц үгийг надаас өөр зөвхөн Univision л мэдэж байгаа. Ядаж байхад би өөрөө эзэн нь юм байж router-ээ manage хийх эрхгүй! Univision өгдөггүй ямар шалтгаантай юм бүү мэд.

Нэгэнт ийм хэрэг явдал болсон хойно шууд unvision-руу залгаад нууц үг солих хүсэлтэй байгаагаа илэрхийлэхэд эргээд холбогдъё гээд таслав. Хэсэг хугацааны дараа univision-ээс залгаж байна "та нууц үгээ солих хүсэлт өгсөн байна ямар нууц үг оруулах уу?” гэж байна. Тухайн үед би нэлээд бухимдуу байсан тул шууд л router-нхээ нууц үгийг нэхэв. Миний та нараас худалдаж авсан төхөөрөмжийг би өөрөө manage хийх хэрэгтэй байна, нэгэнт ийм зүйл болчхоод байхад та нарт би итгэхгүй байна… гэж болсон явдлыг тайлбарлатал. Оператор охин ~2,3 минут микрофоноо салгаад таг чиг болчхов, гэнэт паржигнаж шажигнасан дуутайгаар ахаа манайхаас хэрэглэгчийн мэдээлэл задалдаггүй, та өөрөө л хажуу айлдаа хэлсэн байх, нууц үг нэр хоёрыг чинь солиод өгье гэж байна. Энэ үгэнд би улам бухимдаж router-ээ manage хийх нууц үгийг шаардав. Харамсалтай нь оператор охин сүүлдээ танай router дээр тийм нэвтрэх нэр нууц үг гэж огт байхгүй гэж байна. Байхгүй бол нэмээд надад хэлээд өг! өмнө нь ийм байсан, тийм байсан гэж тайлбарлаад нэмэр алга аа. Яг л зурагдсан пянз шиг тийм боломж байхгүй би эндээс таны нууц үгийг харахгүй солиод өгөх утгатай юм ярьж байна. Нэгэнт ингээд ойлголцохгүй болсон тул хэрхэн интернетийн үйлчилгээгээ хаалгах талаар лавлаад тасалсан юм.

Гэрээн дээрээ

3.1 хэрэглэгч нь univision-ээс үзүүлж буй үйлчилгээг өөрийн хүсэлтээр сонгох, сонгосон үйлчилгээнийхээ талаар холбогдох мэдээллийг авах эрхтэй!. /Тэгвэл миний хүсэлтийг биелүүлээгүй тул тэд гэрээний энэ заалтыг зөрчсөн гэж үзэж байна./

4.2 Univision нь хэрэглэгчийн хувийн мэдээллийг байгууллагын нууцын нэгэн адил хамгаалах бөгөөд эрх бүхий байгууллагын шаардлагаар гаргаж өгөхөөс бусад тохиолдолд задруулахгүй байх үүрэгтэй. /би энэ заалтад тун их эргэлзэж байна!. ийм нэг явган яриа хүртэл байна. skymedia, univision-н 2 ажилтан ярьж байна гэнэ нэг нь: өө манай интернет тасраад хэрэг алга! гэсэн, нөгөөх нь: хаана вэ? хөгшин чинь хэдэн эрх өгөх үү гэж!.  /

4.6 Техник технологийн шинэчлэл хийх, томоохон хэмжээний гэмтэл саатлын улмаас засвар хийх тохиолдолд хэрэглэгчид мэдэгдсэний үндсэн дээр үйлчилгээг түр хаах эрхтэй. /Тэгвэл тэд шинэ он гарсан тэр өдрөөс эхлээд нийт хэрэглэгчийнхээ эрхийг зөрчиж өмнө нь зүгээр гардаг байсан HBO Hits, HBO signature, HBO family зэрэг сувгуудыг ямар ч тайлбаргүй хаасан. Ядаж байх энэ хэдэн суваг нь миний хамгийн их үзэх дуртай суваг байсан юм!. /

Ингээд эцэст нь тэд миний төхөөрөмжийн эрхийг өгөхөөс эрс татгалзан үгүйсгэсэн тул өөрийн багахан санаагаа хэрэгжүүлж тэднийг хэрхэн миний төхөөрөмжийг удирдаж байгааг олж мэдэхээр шийдэж төхөөрөмжөө factory reset хийгээд, нэмээд сүлжээгээ бүхлээр нь чагнахаар орчин бэлдээд univision-руу залгаад шууд л би gateway router-ээ reset хийчихлээ сэргээж өгнө үү гэв. Оператор охин ч асуудалгүй шалгаад эргээд мэдэгдэх болно гээд таслав.
Энэ хооронд сүлжээгээ ажиглаж байтал өнөө муу reset хийгдсэн router gateway чинь амь ороод firmware update хийгээд, шинэ тохиргоогоо татаад авч байх юм. мэдээж энэ бүхэн ямар ч нууцлалгүй байсан тул хялбархан нөгөө байдаггүй гэж нуугаад байсан router manage хийх нэр нууц үгийг нь гаргаад ирэх нь тэр. Ингээд намайг хуурч байгаа үйлчилгээний газар би итгэх шалтгаан байна гэж үү!

Web: http://192.168.1.1:80
UnivisionSB: Univi$i0n2013IDC
user: P@$$IDC

Telnet 192.168.1.1
admin: Univi$i0n2013IDC
Миний хувьд дээрх үйл явдал намайг хангалттай стресст оруулж, бүтэн хэдэн өдрийн ажлыг минь алдагдуулж, цаашлаад тэр нөхөр хир удаан миний сүлжээг ашиглан, юу хийснийг тогтоох боломжгүй тул цаашид Univision-ны интернетийн үйлчилгээг ахин авах хүсэл алга :(.
Privacy гэдэг өнөө ганц хадаасны түүх шиг чухал зүйл шүү дээ!

—- For Want of a Nail —-

For want of a nail the shoe was lost.
For want of a shoe the horse was lost.
For want of a horse the rider was lost.
For want of a rider the message was lost.
For want of a message the battle was lost.
For want of a battle the kingdom was lost.
And all for the want of a horseshoe nail.