Нэгэн үе" Х ТҮЦ" продакшнд харьяалагдаж явсан жүжигчин Б.Хулан сүүлийн үед дэлгэцийн уран бүтээлд хүчээ сорих  болсон.  Сайхан бүсгүй Б.Хулангийн хувийн амьдрал, нөхөр сүүдрийг битүүхэн сонирхож явдаг залуус цөөнгүй байдаг.Тэрбээр хувийн амьдрал болон нөхөр хүүхдийнх нь талаар чих тавин суудаг олон залуусын зүрхийг зүсэн байж н.Жавхлан гэх залуутай амьдралаа холбож, өөрийгөө хуулсан хөөрхөн охинтой болсон. Гэсэн хэдий ч  залуу хосууд салж, Б.Хулан бяцхан охиноо элгэндээ тэвэрч үлдсэн. Түүнийг ганц бие үлдэхэд нь хайраа илчлэх олон залуу байсан болохоор тэрбээр дахин шинэхэн хайртайгаа учирсан гэдэг. Түүний хоёр дахь нөхөр нь  онгоцны нисгэгч байсан юм билээ. Хоёр ч эртэй амьдралаа холбоод бүтээгүй Б.Хулан Соёлтхүү хэмээх өвөрлөгч эртэй дэр нэгтгэж, үрийн зулай үнэрлэсэн юм. Олон эрийн харцыг булааж, хайрыг татаж явсан Б.Хуланг Соёлтхүү хэмээх 60 гаруй насны халзан толгойтой, туранхай өвөрлөгч эртэй дэр нэгтгэсэн гэхэд үнэмшмээргүй. Монголын цуутай, сайхан бүсгүйчүүдийн нэг Б.Хуланг авч суусан өвөрлөгч эрийн тухайд тэрбээр нэлээд хүүхэмсэг нэгэн гэдэг. Хятад, Монгол бизнесменүүдийг холбож, бизнес жуулчлалаар мөнгө олдог гэнэ билээ.

Тэгвэл жүжигчин бүсгүй 60 настай өвөрлөгч эртэй дэр нэгтгэж хүү төрүүлж өгсөн талаараа тайлбар хийлээ. Жүжигчин Хулан өөрийн фейсбүүк хуудастаа "…Миний амьдралд дахин нэг аз жаргал мэндэлсэн юм. Энэ нь миний бяцхан хүү, миний сайхан гэр бүл минь юм. Би энэ хорвоод хоёр сайхан хүүхэдтэй болсондоо маш их аз жаргалтай байгаа. Одоо миний хүү өдөр ирэх тусам улам л эгдүүтэй, сахилгагүй залуу болж байгаа.

Би удахгүй ажилдаа орохоор бэлдэж байна. Хэсэг хугацаанд бусдын л адил айл гэрийн эзэгтэй, хүүхдүүддээ ээжийнхээ үүргийг гүйцэтгээд явж байна. Намайг дэмждэг, надад урмын үг хайрладаг, миний ажил амьдралд амжилт хүсдэг та бүхэндээ их баярлаж явдгаа хэлэхэд таатай байна. Үгээр хүнийг амьдруулж, алж болдог гэдэг үг байдаг.

Миний тухай бичлээ гэхэд миний цаана гэр бүл, үр хүүхэд минь байгаа шүү дээ. Энэ худлаа ташаа мэдээлэл бидний сэтгэлийг маш ихээр гонсойлгож байна. Өмнө нь би энэ болгоны талаар тайлбар хийхийг хүсээгүй юм. Гэтэл одоо миний бяцхан, юу ч мэдэхгүй хорвоод мэндлээд жил ч болоогүй байгаа хүүгээр минь оролдохоор миний сэтгэл эх хүний хувьд үнэхээр эмзэглэж байна.

Миний хань гэр бүлдээ хайртай надад түшигтэй, надаас тодорхой насаар ах, өөрийн гэсэн бизнес эрхэлдэг жирийн нэгэн Монгол эр хүн. Түүнээс биш хэвлэл мэдээлэл цахим хуудсуудаар бичээд байгаа шиг 60 гарсан Хятад, Өвөрмонгол хүн биш. Энэ миний амьдрал. Энэ миний сонгосон сонголт. Би өөрийнхөө энэ амьдралдаа сэтгэл хангалуун, аз жаргалтай байгаа. Хүн бие биедээ хайртай байхад сууж болохгүй гэсэн хууль байхгүй шүү дээ.

Одоо би маш их аз жаргалтай амьдарч байгаа. Энэ миний сэтгэлээсээ бичсэн зүйл юм шүү. Та бүхэн зөвөөр ойлгож тунгаана гэж найдаж байна. Та бүхэндээ бүгдэд нь эрүүл энх, аз жаргал хүсч байна. Бид чинь цөөхүүлээ шүү дээ. Тийм болохоор бие биеэ хүндэлж, хайрлаж, урам өгч амьдарцгаая" хэмээн бичжээ.

С.Гүнжээ