Есдүгээр сарын 1. Намрын улирлын эхний өдөр хүүхэд багачуул цугларч, хичээл номондоо шамдаж эхэллээ. Жил бүрийн энэ өдөр л " Хичээлийн шинэ жилд би онц сурна, хичээж байгаад дүнгээ ахиулна” гэж өөртөө амлалт өгдөг залуус мянга мянгаараа байдаг биз. Яг энэ өдөр Байгаль орчин ногоон хөгжлийн сайд Агаарын бохирдлыг бууруулах үндэсний хорооны дэд дарга С.Оюун сэтгүүлчидтэй уулзаж, "Энэ жил агаарын бохирдлыг бууруулна. Энэ жил бид сайн хянаад, шалгаад агаарын бохирдлыг бууруулах чиглэлээр ахиц дэвшил гаргана” гэж хичээлдээ орж буй сурагч мэт амлалт өглөө. Зуны турш чимээгүй суусан тэд өдгөө л ажлаа эхлүүлж, агаарын бохирдолтой тэмцэхээр зэхэж байгаа юм байх.