Ц.Мянганбаяр дампуурч экс эхнэрүүд нь бизнест хөл тавьж эхэллээ
Өнгөрсөн сард дампуурлаа зарласан "Монгол газар” ХХК-ийн захирал Ц.Мянганбаяр үүргээ биелүүлж чадахгүй болсныг өөрөө мэдэгдсэн. Түүний дампуурлын хэрэг үүсгэх хүсэлтийг Дүүргийн Иргэний хэргийн анхан шатны 2 дугаар шүүхийн шүүгчийн 2014 оны наймдугаар сарын 11-ний өдрийн захирамжаар "Монгол газар”ХХК-ийг төлбөрийн чадваргүйд тооцсон билээ. Тус компанийг татан буулгах, эсвэл хөрөнгөжүүлэх асуудлын талаархи шүүх хурал хүртэл зарлагдсан. Хамгийн сүүлд тус компанийн нэр дээр 480 орчим тэрбум төгрөгийн нэхэмжлэл ирээд байгаа. Монголын хамгийн баян эр хамгийн их өртэй гэдэг нь шүүхээр тогтоогдож, албан ёсоор дампуурсан нь батлагдаж байгаа энэ үед харин түүний экс амрагууд шинэ бизнес эхлүүлэх зар тарааж олон хүнийг гайхшруулаад байна.
Пүүжээ шоубизнесээ эхлүүлнэ
Алтны магнат хэмээн алдаршсан Ц.Мянганбаяр орчин цагийн загвар өмсөгч
хүүхнүүдийн жинхэнэ "эрлэг” нь болсон гэхэд хилсдэхгүй. Түүнтэй
холбогдсон загвар өмсөгч бүр түүний хүүхдийг төрүүлсэн. Загвар өмсөгч
Пүрэвсүрэн өмнө хоёр удаа гэрлэж байсан Ц.Мянганбаярыг ханиараа сонгосон
ч дөрвөн жил хамтдаа амьдарч, нэг охинтой болоод салсан билээ.
Салсныхаа дараа топ модель бүсгүй "Би Мянгаагийн гэрээс охиноо тэврээд л
гарсан” хэмээн ярилцлага өгч, харин үүнийг Ц.Мянганбаяр захирал
үгүйсгэн "Пүрэвсүрэн залуу хүн. Дахиад шинэ амьдрал зохионо. Олон хүн
дотор амьдарна. Тиймээс би тэр хүний талаар элдэв муу үг унагаад
баймааргүй байна. Мэдээжээр гэр бүл салахад ганцхан хүний буруу байхгүй.
Би л ганцаараа болж бүтэхгүй байсан юм биш. Тэр хүнтэй ханилж үр
хүүхэдтэй болчихоод юу ч үгүй хоосон явуулчихсан ч юм байхгүй. Бид хоёрт
тохирсон ярьсан зүйл бий. Би эр хүн. Хүний үг болгоны араас хэрүүл
хийгээд "Би тийм юм өгсөн, тэр тийм юм авсан” гэж ярих утгагүй биз дээ.”
Гэж хэлж байсан удаатай. Тэгвэл Ц.Мянганбаярыг дампуурсан гэдэг дуулиан
намдаагүй байхад Пүүжээ шоу бизнест хөл тавих гэж байгаагаа зарлалаа.
Нөхрөө халамжлан, хүүхдээ асарч, жирийн эзэгтэйн амьдралаар амьдарч
эхэлсэн тэрбээр гадаадаас үагвар өмсөгчид урьж, ирэх 5-р сард дотуур
хувцасны том шоу хийхээр төлөвлөж байгаа гэнэ.Д.Ариунцэцэг Хайрмаа нэртэй агентлаг байгуулна
Тэгвэл энэ мэдээг сонссон Д.Ариунцэцэг ч бас зүгээр суухыг хүссэнгүй. 18
настайгаасаа л Ц.Мянганбаяртай нэр холбогдож, түүнийг топ модель
Пүрэвсүрэнгээс салгаж дөнгөсөн хvн бол загвар өмсөгч Ариунцэцэг.Олны хэл амнаас зугатааж сүүлийн хэдэн жил Сингапурт амьдарч,
Сингапурт далайн эрэг дээр жижиг хэрнээ тохилог хувийн байшин худалдан
авч, өөрөөсөө үе мултарсан найз залуутайгаа Сингад болзож уулздаг
байсан энэ бүсгүй 3.7 кг жинтэй охин төрүүлж, Монголын тэргүүн
баячуудын нэг Ц.Мянганбаяр тав дахь хүүхдээ өлгийдөж авч байсан цаг
саяхан. Бяцхан охиндоо Мянгаа захирал М.Хайрмаа гэдэг нэр өгсөн гэдэг
мэдээлэл олны дунд хүчээ авч авсан. Гэсэн хэдий ч хүчтэй эхэлсэн тэдний
дурлал хүчтэйгээр хурдан төгссөн. Мянгаа захирал 7 дахь хүүхдээ өлгийдөн
авахаар зэхэж, мисс Ариунцэцэг Мянганбаяр ,Пүрэвдулам хоёрын харилцааг
бүтэн хүлээн зөвшөөрч , салах өргөдөлдөө гарын үсэгээ зурсан юм
гэнэлээ. Тэднийг салсны дараа "Ариунцэцэг Мянгаа захирлаас сар бүр
хүүхдийн тэтгэлэг гэж их хэмжээний мөнгө, Сингапурт байшин, шинэ машин
авч, Сингапурт Монгол ноолууран хувцас зарах дэлгүүр нээх хөрөнгөтэй
болоод салсан” гэдэг мэдээлэл цацагдаж байсан удаатай. Харин энэ удаа
тэрээр загварын агентлаг нээж, ирээдүйн загвар өмсөгчдийг бэлтгэхээр
шийдээд байгаа гэнэ. Ард түмний мисс бүсгүй шинээр нээр агентлагаа
"Хайрмаа” хэмээн нэрлэх аж.
shudarga.mn