Рэппер Gee шинэ дууныхаа клипийг хийлгэжээ. "Амиа бодсон п**да” хэмээх энэ дуунд "АН, МАН МАХН, ИЗНН, Аль нь ч ялгаагүй механизм, Ардын төлөө гэсэн хоосон лоозон барьсан бэртэгчдээр, Амьдралаа удирдуулан гундаж гандан хэвтэх ч гэж дээ” хэмээн өгүүлэх бөгөөд Монголын улс төрчдийг нэрийг нь хэлээгүй боловч хэн гэдэг нь тов тодорхой ойлгогдох байдлаар цохон зүхсэн байна. Тухайлбал "Сард хэдэн зууг жирийн иргэд гардаж байна, Сайд гэтэл сая доллар дансандаа мартаж байна” гэсэн нь С.Баярцогтыг, Хурал зөвлөгөөн дээр хууль журамт сайд ах, Хувцсаа солиод гараад бөгсний донтой сайн ах, Баргийн хүн ордоггүй яамны тэр байшиндаа, Балай гичий дагуулж ороод хаана бас бавчив даа” гэсэн нь Х.Тэмүүжинг, "Гурван сая Чингисийн тухай үлгэрт үл итгэнэ, Түүний сонгуулийн саналыг хэрвээ авсан бол, Түүнээр соёрхуулсан нэгний адил магад болох, Харийн хүн бидний нүүр лүү хаах гээд нулимж байхад, Харин тэр өршөөж сул тавиад тусалж байдаг” гэсэн нь Ц.Элбэгдоржийг, "Авлигачин өөрөө авлигачинтай тэмцэнэ гэхээр Аймаар хошин санагдаж инээд хүрсэн” гэсэн нь Н.Энхбаярыг, "Энхбаярын яасан хүү? Энхбаярын баасан хүү, Эрхэм даргаа ярихаас өөрийг хийж үнэхээр барсангүй” гэсэн нь О.Баасанхүүг, "Намынх нь хүүхэн найзуудаасаа амь гуйдаг, Намрын чуулган дээр кэнди краш тоглож суудаг” "Унаа цөөтэй бөхийг ч ганнам стайл бүжиглүүлнэ” гэсэн нь Б.Бат-Эрдэнийг, "Нөхөрлөж явсан нөхрөө нүүрс хөтөлбөрөөр, Нүгэлтэн болгож шоронгийн зүг хөтлөв өө” гэсэн нь Ардчилсан намын хэн нэгнийг хэлсэн нь тодорхой ойлгогдоно”. Энэ дуу "Одоо яая гэхэв,Урд нь хэлсэн тэднийг шаа гэх үү? Ахиад жоохон харчих уу? Эсвэл тэднийг одоо арчих уу?” хэмээн төгсөх нь уг дууг бүтээх болсон зорилгыг ирэх сонгуультай холбон бодоход өөрийн эрхгүй хүргэхийн сацуу аварга Б.Бат-Эрдэнийг эс тооцвол дан АН, МАХН-ынхныг шоглосон нь, мань рэппер энэ дууг зохиохдоо МАН-тай хамтран ажилласан юм болов уу хэмээн таамаглахаас аргагүй болгож байна.

Л.Бат

Эх сурвалж: tonshuul.mn