"Хаппи Веритас” эмчилгээ оношлогооны төв, ХСҮТ, МЗХ-ны Эрүүл мэндийн хороо хамтран "Ходоодны хорт хавдаргүй Монгол” аяныг эхлүүлж буй юм.

Тус аяны хүрээнд өнөөдөрөөс эхлэн 20 хоногийн хугацаанд хеликобактер тодорхойлох шинжилгээг 80 хувийн хөнгөлөлттэй үнээр буюу 1000 төгрөгөөр хийж байна.

Тодруулбал Зүүн дөрвөн зам дахь Хаппи Веритас эмнэлэгийн салбарт хеликобактер тодорхойлох шинжилгээг хөнгөлттэй үнээр хийхээс гадна ходоодны дурангийн эмч үзлэг зөвлөгөөг үнэ төлбөргүй өгөх юм.

Манай улс ходоодны хорт хавдрын өвчлөлөөр дэлхийд хоёрт ордог ба энэ нь 100 мянган хүн амд 32.9 тохиолдол гэсэн үг. Жилд дунджаар 600-700 хүн ходоодны хорт хавдар гэсэн өвчнөөр оношлогдож байна. Үүний 70 гаруй хувь нь хожуу үе шатандаа оношлогдож тухайн жилдээ 50-иас илүү хувь нь нас бардаг байна. Монгол, Япон эмч нарын хийсэн судалгаагаар насанд хүрсэн хүмүүсийн 60 орчим хувь нь хеликобактертай гэсэн дүн гарчээ.