С.Ганбаатарын эрүүл мэндийн дүгнэлтийг хүргүүлжээ
Өчигдөр МАХН-ын Бага чуулган хуралдаж Н.Энхбаярын оронд МАХН-аас Монгол Улсын Ерөнхийлөгчийн сонгуульд нэр дэвшүүлэх хүнээ сонгосон. Тус намаас сонгуульд нэр дэвших хамгийн өндөр магадлалтай байсан хүмүүсийн дунд академич, хууль зүйн шинжлэх ухааны доктор, профессор, шинжлэх ухааны гавьяат зүтгэлтэн С.Нарангэрэл болон УИХ-ын гишүүн асан С.Ганбаатар нарын нэр яригдаж байсан юм. Тэгвэл өчигдрийн хурлаар С.Ганбаатарыг сонгосон бөгөөд тэрбээр өчигдөр орой эрүүл мэндийн бүрэн шинжилгээнд хамрагдсан байна.
Монгол Улсын Ерөнхийлөгчийн сонгуульд нэр дэвшигчдийн талаар эмнэлгийн дүгнэлт гаргах комиссын дарга, Эрүүл мэндийн яамны Төрийн нарийн бичгийн дарга Д.Очирбат нэр дэвшигч С.Ганбаатарын эрүүл мэндийн талаарх эрүүл мэндийн дүгнэлтийг Сонгуулийн Ерөнхий Хорооны Ажлын хэсэгт өчигдөр орой хүлээлгэн өгсөн байна.
Эх сурвалж www.wikimon.mn
Сэтгэгдэл байхгүй байна.