ЕРӨНХИЙЛӨГЧИЙН СОНГУУЛЬД С.ГАНБААТАРЫГ НЭР ДЭВШҮҮЛЭХЭЭР БОЛСОН Ч О.БААСАНХҮҮ ЭСЭРГҮҮЦЭЖ НАМААСАА ГАРАХАА МЭДЭГДЛЭЭ
Сонгуулийн ерөнхий хороо МАХН-ын дарга Н.Энхбаярыг Ерөнхийлөгчид нэр дэвшигчээр бүртгэхээс татгалзсан. Ингэснээр МАХН энэ сарын 17-ны дотор дараагийн нэр дэвшигчээ тодруулж бүртгүүлэх шаардлагатай болсон юм. Тус намынхан хэнийг Ерөнхийлөгчийн сонгуульд нэр дэвшүүлэх вэ гэдэг нь анхаарал татаж байлаа. Тэгвэл дөнгөж сая МАХН-ын Бага чуулган шийдвэрээ гаргаж УИХ-ын гишүүн асан С.Ганбаатарыг нэр дэвшүүлэхээр болсонн Харин энэ шийдвэрийг намынх нь УИХ дахь цорын ганц гишүүн О.Баасанхүү эсэргүүцэж буй ажээ.
О.Баасанхүү өчигдөр энэ асуудлаар олон нийтэд хандан Live хийсэн байна. Тэрээр "МАХН-аас С.Ганбаатар нэр дэвшиж буйд би хувьдаа дэмжихгүй байна. Өчигдөрхөн нэр дэвшихгүй гэж хэлж байсан хүн дэвшихээр болчихлоо. МАХН 90 жилийн түүхтэй улс төрийн хүчний хувьд туршлагатай, хариуцлагатай, хуулийг шударга хэрэгжүүлэх улс төрчийг нэр дэвшүүлэх ёстой. Гэтэл С.Ганбаатар гэж Хөдөлмөрийн үндэсний намын гишүүн байсан, намын гишүүнээсээ татгалзсан эсэх нь тодорхойгүй хүнийг нэр дэвшүүлснийг бий дэмжихгүй. Хуульч С.Нарангэрэл гуайг МАХН-аас нэр дэвшүүлэх боломжтой. Улс төрийн туршлагатай, УИХ-ын гишүүнээр сонгогдон ажиллаж байсан хүн. Намаас С.Ганбаатарыг нэр дэвшүүлсэн учраас би намаасаа гарах хүсэлтээ албан ёсоор гаргаж байна” гэсэн юм.
Сэтгэгдэл байхгүй байна.