Хачгаар дамжих халдварт өвчний хүний өвчлөл өсөх хандлагатай байна. Он гарсаар хачгаар дамжих халдварт өвчний 946 сэжигтэй тохиолдол бүтгэгдэж мөн хэд хэдэн нас барталт бүртгэгджээ.

Булган аймгийн Хангал суманд өвчний голомт байгаа бөгөөд одоогоор 2 хүн нас баржээ. Хачигт халдвар нь хүнд хачгаар дамжин халдварладаг байгалийн голомтот хурц халдварт өвчин. Хачгаар дамжих халдвар нь дамжуулагч хачгийн идэвхитэй үетэй давхцан 4-10 сарын турш бүртгэгддэг.

Дамжуулагч хачгийн төрөл зүйлээс хамааран ой мод ихтэй бүс нутагт хачигт энцефалит, хачигт боррелиоз өвчнийг дамжуулагч хачиг, харин риккетсиоз өвчнийг дамжуулагч хачиг ихэнх нутгуудаар тархсан байдаг ажээ.

Тиймээс хөдөө гадаа амарч зугаалахаар явахдаа хачигт хазуулахгүй байхын тулд өөрсдөө хамгаалалт сайтай явахыг эмнэлгийн зүгээс анхааруулж байна.

О.Сайхан