"Монос Улаанбаатар” ХХК-ийн харьяа эмийн сангуудад хийсэн хяналт шалгалтын дүнг ШӨХТГ-аас  танилцууллаа. Уг шалгалтын хүрээнд Сонгино хайрхан дүүргийн нутагт байрлах "Монос-5 шар", "Монос-Хархорин", "Монос-Мөнхжин", "Монос-Дээд сургууль дахь эмийн сан" хамрагдсан байна. Мөн  Баянгол дүүргийн нутагт байрлах "Монос-25", "Монос-3", "Монос-Энхжин”, "Монос-Магда”, "Монос-Төмөр”, "Монос-Макс”, Хан-Уул дүүргийн нутагт байрлах "Монос-Оргил”, Баянзүрх дүүргийн нутагт байрлах "Монос-13”, "Монос-Сансар”, "Монос-Баян Монгол”, "Монос-Ботаник”, "Монос-16”, "Монос Офицер”, Чингэлтэй дүүргийн "Монос-37”, "Монос-Төв эмийн сан, Сүхбаатар дүүргийн нутагт байрлах "Монос-11”, "Монос-Метромалл”, "Монос-Далай”  гэсэн салбарууд шалгалтад хамрагдсан байна.  

Хяналт шалгалтаар дараах зөрчлүүд илэрчээ

• Улаанбаатар хотод үйл ажиллагаа явуулж байгаа "Монос Улаанбаатар" ХХК-ийн харьяа 23 салбар эмийн сангуудыг уг хяналт шалгалтад хамруулан шалгалаа. Нийтлэгээр дээрх эмийн сангуудад стандартын шаардлага хангаагүй эмийн жороор үйлчлэх, эмийн сангуудад худалдаалагддаг ахуй хэрэглээний бүтээгдэхүүнүүд болон, хүнсний нэмэлт бүтээгдэхүүнүүдэд хаяг шошгожилтын зөрчил илэрсэн байна.

• Монос-Баян Монгол эмийн сан, Монос-Саруул тэнгэр 2 эмийн сан, Монос-Төмөр зам эмийн сан, Монос-Макс эмийн сан, Монос-Хархорин эмийн сан, Монос-Метромалл эмийн сан, Гэмтэл согог судлалын үндэсний төв дэх Монос эмийн сангууд нь "Эрүүл мэндийн чиглэлээр мэргэжлийн үйл ажиллагаа эрхлэх тусгай зөвшөөрөл”-д заагдсан эрхлэгч үйл ажиллагаа явуулдаггүй зөрчил илэрсэн. ...