Д.Загджавын цаад дүр
Төрийн дээр сандайлахгүй бол болдоггүй мэт нөхөд МАНАН-д
байдаг. МАН
ялах бүрт ямба эдлэхээр заяагдсан мэт албан тушаал авдаг хэдэн хөгшчүүл бий. Тэдний
нэг бол Уул уурхай, хүнд үйлдвэрийн дэд сайд Д.Загджав. Уг нь анх түүнийг
намаас энэ ажлыг хийнэ, чадна хэмээн урин залж илгээгээгүй. АМГТГ-ын дарга
болохоор лообий хийн хэсэг гүйсэн Д.Загджав барахгүй хоосон үлдэхдээ
парламентын гишүүдийн өрөөгөөр өөрөө гүйн сандарч явсан. Тэрбээр ийнхүү "Энэ
хүнийг дэмжин өндөр албан тушаалд суулгана уу” гэх инээдтэй утгатай бичиг барин
гишүүдийн өрөөний үүд сахин хөлсөө урсган гүйсний хүчинд хэдэн гишүүний гарын
үсэг авч чадан тухайн үеийн намын дарга М.Энхболд, Ерөнхий сайд асан
Д.Эрдэнэбат хоёрт шахалт үзүүлэн Уул уурхайн яамны дэд сайд болж байлаа.
Улстөрчийн хувьд бол энэ үнэхээр эмгэнэл. Гэхдээ сандал суудлын төлөө манай
дарга нарт ичих булчирхайгаа мартаж юу ч биш байдаг хойно доо.
Ийнхүү уул уурхайн салбар руу улайран зүтгэсэн нь цаанаа өчүүхэн эрх ашгаа болсон байсан нь сүүлийн үед ил болоод байна. Ажилдаа ч бараг ирдэггүй байсан Д.Загджав сар гаруйн өмнөөс гэнэтхэн нойрноос сэрж "Рио тинтог” Монголоос хөөж гаргах нь зөв хэмээн сүржигнэж эхэлсэн нь ердөө л дүүгийнхээ компанийг Оюутолгойн шатахуун тээвэрлэх сүлжээнд оруулах гэж жил гаран зүтгээд барахгүй болохоороо ийнхүү дөвчигнөж эхэлсэн гэдгийг Баабар нийтлэлч твийтэрт жиргэсэн байдаг.
эх сурвалж: offshore.mn