"Боловсрол суваг” телевиз "Endemol Shine Group”-ийн албан ёсны эрхтэйгээр "Яг түүн шиг” шоуг хоёр жил дараалан амжилттай зохион байгуулсан билээ. Харин энэ жилийн "Яг түүн шиг-3” шоу тун удахгүй үзэгчдийн хүртээл болох гэж байна. Энэ жилийн шоунд оролцох оролцогчдыг энэ сарын 21-нээс эхлэн зарлаж эхэлсэн.

"Яг түүн шиг-3” шоунд оролцох эхний зургаан оролцогчоор загвар өмсөгч Ж.Энэрэл, дуучин, ая зохиогч Б.Нацагдорж буюу Наки, "Эмоци продакшн”-ийн жүжигчин О.Тэмүүжин, дуучин Г.Сүндэрмаа, жүжигчин М.Цэрэндолгор,  A-Sound хамтлагийн дуучин Ц. Тэмүүлэн нар сонгогдсон.

Тэгвэл өнөөдөр /2018.04.27/ долоо  дахь оролцогчоор Содура киноны гол дүрээр үзэгчдэд танигдсан жүжигчин, дуучин Ч.Очгэрэлийг зарлалаа.

Тэрбээр "Үзэгчдийг байлдан дагуулсан шоуны шилдэг найман оролцогчийн нэг болсондоо маш их баяртай байна. Энэ нэр төрийг унагалгүй цаашид шоуны шинэ өнгө төрх байна гэдгээ амлаж  байна” гэв.