Олон сайхан киногоор нь монголчууд бид андахгүй мэдэх болсон алдарт жүжигчин Сандра Буллок эрч хүч, гоо үзэсгэлэн, гоолиг биеэрээ олныг анхаарлыг татаж, бүсгүйчүүдийн цагаахан атаархлыг төрүүлээд байна.

Ocean-ийнхон киноны ээлжит шинэ анги болох "Ocean's 8” киноны нээлт өчигдөр буюу лхагва гаригийн орой Лондон хотноо болсон ба уг нээлтэд Сандра Буллок нүд гялбам гоёмсог jumpsuit өмсөн иржээ.

Түүний эрч хүчтэй хувцаслалт болон өөгүй төгс биеийнх нь тухай инстаграм, фейсбүүк, твиттерээр шуугицгааж, ямар дэглэм барьдгийг нь зарим нь сонирхцгоож, зарим нь ижил jumpsuit авахаар хайж эхэлжээ. Түүний гоёлыг Zuhair Murad гэх загвар зохион бүтээгч урласан ба 6300 доллараар /ойролцоогоор 15 сая төгрөг/ онлайн дэлгүүрээрээ худалдаалж байгаа аж. Чамгүй үнэтэй байгаа биз.

Мөн бас нэг олны анхаарлыг татсан зүйл нь түүний найз залуу Bryan Randall байв. Тэд 2015 оноос хосууд болсон билээ.

Т.БОЛОР