Карли Клосс, Иванка Трамп нар нэг айлын бэрүүд болно
Victoria"s Secret-ийн сахиусан тэнгэр Карли Клосс Трампын хүргэн Жаред Кушнерийн дүү Жошуа Кушнертэй сүй тавьсан билээ. Ингэснээр модель бүсгүй Иванка Трамптай авьсан буюу нэг айлын бэрүүд болж байгаа аж. Карли Клосс найз залуутайгаа удаан хугацаанд үерхсэний эцэст сүй тавьж буйгаа өчигдөр зарлажээ. Жошуа Кушнер үл хөдлөх хөрөнгө болон технологийн салбарт ажилладаг нэгэн бөгөөд Дональд Трампын хүргэн Жаред Кушнерийн бага дүү нь аж. Сүй тавьсан тухайгаа Карли Клосс "Би үгээр илэрхийлж буйгаасаа ч илүүгээр чамд хайртай. Жош, чи бол миний сайн найз бөгөөд заяаны хань минь. Чамтайгаа хамт үүрд байхыг тэсэн ядан хүлээж байна. "Тийм" гэдэг үгийг сая удаа хэлье" хэмээн интаграмдаа постолжээ.
25 настай Клосс, 33 настай Кушнер нар 2012 оноос хойш нууцаар болзож байгаа юм.
Сэтгэгдэл байхгүй байна.