Дуучин Адель хэдийгээр хуучинсаг үзэл нэвт шингэсэн Их Британид мэндэлсэн ч гэлээ элдэв хорт зуршлуудаас ангид байж чадаагүй билээ. Hello хит дууг амилуулсан дуучин бүсгүй үе үе балгачихдаг, боломж л гарвал хараалын үг урсгадаг нэгэн юм. Саяхан болсон нэгэн тоглолтынхоо үеэр Адель яагаад ч салж чаддаггүй нэгэн муу зуршилтай гэдгээ өгүүлсэн байна. Сонирхолтой нь, Адель байнга л "Амлаж байна” гэдэг үгийг хэлдэг аж.

28 настай дуучин эмэгтэй өдөрт энэ үгийг 30 гаруй удаа хэлдэг гэдгээ ярив. Энэ талаараа Адель "Би өдөрт 33 орчим удаа энэ үгийг хэлдэг юм билээ. Би тооны хүн биш л дээ. Үнэндээ бол би тооны шалгалтыг өгч чадаагүй. Гэхдээ би нэг удаад энэ үгийг хэдхэн минутын зайтай хэлдэг юм шүү. Та нар юу гэж бодож байна?” хэмээн Лос-Анжелес хотын үзэгчдээс сонирхжээ. Түүнчлэн Адель өөрийг нь сэтгэл санааны хувьд дэмжиж байхыг шүтэн бишрэгчдээсээ хүсэв. Эх сурвалж www.wikimon.mn - See more at: http://www.wikimon.mn/content/69933.shtml#sthash.VOFgVdFa.dpuf