Колумбын ерөнхийлөгч Иван Дуке албан тушаалдаа албан ёсоор оржээ
Колумбын шинээр сонгогдсон ерөнхийлөгч Иван Дуке албан тушаалдаа албан ёсоор оржээ. Ерөнхийлөгчийн тангараг өргөх ёслол Боливарын талбайд байрлах Конгрессын байрны өмнө болсон байна.
Тус улсын нийслэл Богота хотод болсон тангараг өргөх ёслолд латин америкийн орнууд тэр дундаа Аргентин, Боливи, Гватемал, Гондурас, Доминиканы Бүгд Найрамдах улс, Коста-Рика, Мексик, Панам, Чили болон Эквадорын удирдагчид хүрэлцэн ирсэн байна. Түүнчлэн АНУ-аас НҮБ-д суугаа байнгын төлөөлөгч Никки Хейли, Оросын элчин сайд Сергей Кошкин нар уг ёслолд оролцжээ.
"Колумбын хувьсгалт зэвсэгт хүчин” босогчдын бүлэглэлтэй байгуулсан энхийн гэрээг өөрчлөн сайжруулах шаардлагатай болохыг И.Дуке тангараг өргөх ёслолын үеэр хэлжээ. Түүнчлэн тэрбээр хэлэхдээ "Үндэсний чөлөөлөх арми” босогчдын бүлэглэлтэй энхий гэрээ байгуулсан явдал нь эрүүгийн гэмт хэргийг бүрэн зогсоох ёстой гэжээ.
"Колумбын хувьсгалт зэвсэгт хүчин” босогчдын бүлэглэлийнхэн болон Колумын Засгийн газар Кубад дөрвөн жил хэлэлцээ хийсний эцэст 2016 оны 11 дүгээр сард хагас зуун жил үргэлжилсэн зэвсэгт мөргөлдөөнд цэг тавин энхийн гэрээ байгуулж байсан юм.
"Колумбын хувьсгалт зэвсэгт хүчин” босогчдын бүлэглэл нь анх газаргүй тариаланчдын эрхийг хамгаалах зорилгоор 1964 онд байгуулагдсан марксист бүлэглэл юм.
Сэтгэгдэл байхгүй байна.