Түүний намтрыг харах юм бол 1990 оноос хойш төрд ажилласан байгаа юм. Тэгэхээр 24 жилийн хугацаанд тасралтгүй хууль тогтоох байгууллагад ажиллаж, дөрвөн жил нь Ашигт малтмал, газрын тосны хэрэг эрхлэх газрын даргаар ажилласан байна. Ямартай ч 28 жилийн турш төрд ажиллажээ энэ эрхэм.

Ийнхүү ажиллах хугацаандаа өнөөдрийг хүртэл цуглуулсан хувцааны нийт ханш л гэхэд 21,5 тэрбум төгрөгт хүрчээ.

Эрхэм гишүүн хувцааг хэрхэн цуглуулж, хэрхэн баяжсан бэ гэдэг нь сонирхолтой. Уг нь бол Эрүүгийн цагдаагийн газрын эдийн засгийн гэмт хэрэгтэй тэмцэх алба гэж бий. Гэвч томчуудын хэрхэн баяжсан нь тэдний сонирхолыг төрүүлдэггүй юм шиг байгаа юм.

Өдийг хүртэл энэ мэтээр төрд ажиллаж байгаа тэрбумтангуудын тухай мэдээллүүд ар араасаа хөвөрсөн ч нүдэн балай, чих нь дүлий байсаар л байдаг.

Тасралтгүй төрд ажилласан хүн хэдийд нь ийнхүү тэрбумын хөрөнгийг цуглуулав гэх ганцхан асуултанд Хүчнийхэн л хариулах боломжтой. Гэвч улстөрчдийн карманд орсон тэд үүний хариултыг өгөхгүй нь нэгэнт тодорхой болсон гэхэд хэлсдэхгүй. Тэгэхээр энэ мэт төрөөс төрсөн тэрбумтангуудыг хөрөнгөжсөн замналыг нь хэн олон нийтэд ил болгож тавих вэ? гэх асуултаар энэхүү нийтлэлээ өндөрлүүлье.