Дэлхийн шилдэг хөлбөмбөгчин Лионель Месси дахиад л асуудалд орсон байна. Аргентины прокурор Пабло Турана Испанийн "Барселона” багийн довтлогчийг мөнгө угаасан хэрэгт буруутгасан гэнэ шүү. Улсын яллагч Месси болон түүний аав Хорхе нар "Лео Месси” гэдэг буяны сангаар мөнгөө угааж, татвар төлөхөөс зайлсхийсэн хэмээн мэдэгдэв. Хандивын дансанд орсон мөнгийг буяны зорилгоор ашиглалгүй оффшор бүс рүү шилжүүлж байсан гэжээ. Мессигийн байгуулсан буяны сангийн экс ажилтнууд ийм мэдүүлэг өгсөн байна. Өмнө нь Месси Испанид мөн л ийм асуудалд орж байсан билээ. өнгөрсөн жил Испанийн шүүх Мессиг татвар төлөхөөс зайлсхийсэн тул 21 сар хорих шийдвэр гаргаж байсан удаатай. Лионель их хэмжээний мөнгө төлж байж ялаас мултарч чадсан юм.