Курилын өмнөд хэсгийг Японы талд шилжүүлэн өгвөл АНУ-ын баазыг байрлуулахгүй гэжээ
Японы Ерөнхий сайд Шинзо Абэ ОХУ-ын Ерөнхийлөгч Владимир Путинтай хэлэлцээ хийх үеэрээ "хэрэв Курилын арлуудын өмнөд хэсгийг Японы талд шилжүүлэн өгсөн тохиолдолд тэнд АНУ-ын цэргийн баазыг байрлуулахгүй” гэж мэдэгджээ. Энэ тухай Asahi Shimbun сонин Японы Засгийн газрын эх сурвалжийн мэдээллээс иш татан уламжилсан байна.
Шинзо Абэ ЗХУ болон Япон хооронд 1956 онд баталсан хамтарсан тунхаг бичигт тулгуурлан газар нутгийн маргаан болон найрамдлын гэрээ байгуулах асуудлаарх хэлэлцээг үргэлжлүүлэхэд шийдвэр төгс байгаа болохоо ийнхүү нотолж байна гэж тус сонинд онцлон тэмдэглэжээ. Уг тунхагт найрамдлын гэрээ байгуулсны дараа Курилын өмнөд Хабомаи болон Шикотана арлыг Японы талд шилжүүлэн өгөх боломжийг Москва судлахыг зөвшөөрсөн байна
Үүнээс гадна, Японы Ерөнхий сайд дээрх мэдэгдлээрээ АНУ-тай байгуулсан аюулгүй байдлын гэрээ нь Японы дурын бүс нутагт Токиогийн зөвшөөрөлгүйгээр цэргийн бааз байрлуулна гэсэн үг биш гэдгийг нотлон харуулж байгаа аж.
Сэтгэгдэл байхгүй байна.