1                                  Хийжүүлсэн ундаа уух

 

Өдөрт 2 болон түүнээс дээш удаа хийжүүлсэн ундаа ууснаар, бөөрний үрэвсэлтэй болох магадлал харьцангуй нэмэгддэг болохыг судалгаагаар тогтоожээ. Япон улсад нэгэн судалгаа явуулж, хүмүүст хийжүүлсэн ундаа уулгаж, дараа нь тэдний шээсийг шинжилж үзсэн байна. Харин тэдний шээснээс, бөөрний үрэвслийн эхэн үеийн шинж тэмдэг илэрсэн байна. Иймд та хийжүүлсэн ундаанаас аль болох татгалзаж бөөрөө хамгаалаарай. 

 

2                               Тамхи татах

 

Тамхи татсанаар, судас хатуурч, амин чухал эрхтнүүдэд сөрөг нөлөө үзүүлдэг байна. Үүнд бөөр ч мөн багтах бөгөөд тамхины хор нөлөөллөөс болж, бөөрний үйл ажиллагаа алдагддаг аж.  Өдөрт 2 ширхэг тамхи татахад л цусан дахь эндотелийн эсийн тоо хоёр дахин нэмэгдэж, судсыг гэмтээдэг байна. 2003 онд хийгдсэн судалгаагаар, тамхи хор нөлөө болон бөөрний үрэвсэл нь хоорондоо нягт холбоотой болохыг тогтоосон билээ. 

 

3                              Витамин В6-ийн дутагдал

 

Хүний биед витамин В6 дутагдсаны улмаас, бөөрний чулуутай болох эрсдэл нэмэгддэг байна. Та эрүүл байхын тулд дор хаяж, 1.3 миллиграм В6 витаминыг биедээ хуримтлуулж байх шаардлагатай. Загас, вандуй, үхрийн элэг, төмс, хүнсний ногоо, исгэлэн жимснүүд нь В6-р баялаг тул та өдөр тутамдаа өргөнөөр хэрэглэж байгаарай. 

 

4                                 Хөдөлгөөний дутагдал

 

Таны бөөрийг эрүүл байлгаж, төрөл бүрийн үрэвслээс хамгаалах чухал зүйл бол дасгал хөдөлгөөн юм. Харин хөдөлгөөний дутагдалд орж, жин нэмсэн тохиолдолд, бөөр чулуужиж, өвчилдөг байна. Хэрэв та эрүүл бөөртэй, өвчин зовлонгүй амьдрахыг хүсч байвал, тогтмол дасгал хөдөлгөөн хийж, жингээ хасаарай.

 

5                                    Нойргүйдэх

 

Бүрэн гүйцэт амарч чадахгүй байсны улмаас таны бөөр гэмтэж мэднэ. Судлаачдын үзэж байгаагаар, нойргүйдэл, архаг ядаргаа нь бөөрний үйл ажиллагааг алдагдуулж, гэмтээдэг байна. Иймд та бөөрөө хамгаалахын тулд, аль болох тайван тухтай унтахыг хичээж, нойргүйдлээ эмчлэх хэрэгтэй юм. 

 

6                                   Усны дутагдал

 

Ус уугаад л байвал, бөөрөө эрүүл байлгаж чадна гэж ойлгоорой. Хүн хангалттай хэмжээний ус уугаагүй үед, биеэс хорт бодис гадагшлахгүй, бөөрөнд хуралдаж, чулуу үүсдэг байна. Та өдөрт дор хаяж 12 стакан ус ууж, бөөрөө хамгаалаарай. Мөн шээсний өнгөө ажиглаж, хангалттай ус ууж чадах байгаа эсэхээ мэдэж болно. 

 

7                                   Шээсээ барих

 

Хичнээн шээс тань хүрч байсан ч, барьж өөрийгөө зовоодог юм биш биз. Энэ нь тун ч буруу бөгөөд бөөрөнд ирэх даралтыг нэмэгдүүлж, бөөрний дутагдалд оруулдаг аж. Тиймээс ч аль болох шээсээ барилгүй, давсагаа суллаж байгаарай. 

 

8                                  Давсны хэт их хэрэглээ

 

Давс нь хүний бөөрөнд сөрөг нөлөө үзүүлдэг гэдгийг та ч бас мэдэх биз ээ. Давсыг хэтрүүлэн хэрэглэснээр, цусны даралт өсөхийн зэрэгцээ бөөрөнд муугаар нөлөөлдөг байна. Өдөрт 5.8 гр-аас илүү хэмжээтэй давс хэрэглэхийг хориглодог бөгөөд энэхүү хэмжээг давах нь бөөрөө аюулд оруулж байгаа хэрэг юм. 

 

9                               Хэт их кафейн хэрэглэх

 

Бид үргэлж бодож байгаагаасаа илүү их хэмжээтэй кафейн хэрэглэчихсэн байдаг. Кафейн нь хийжүүлсэн ундаа, кофе, ногоон цайнд агуулагддаг бөгөөд их хэмжээгээр хэрэглэснээр, цусны даралт өсч, бөөрний үйл ажиллагаа алдагдаж эхэлдэг байна. 

 

10                         Эмийн зохисгүй хэрэглээ

 

Өвчин намдаах, ханиадны эмийг тогтмол хэрэглэх нь таны бөөрөнд муугаар нөлөөлнө гэдгийг мартаж болохгүй. Бүх төрлийн эм хүний биед их бага хэмжээгээр сөрөг нөлөө үзүүлж байдаг бөгөөд ихэвчлэн бөөрний үйл ажиллагааг алдагдуулдаг байна. Тиймээс эмийн хэрэглээгээ хянаж, зөвхөн эмчийн заавраар ууж байгаарай. 

 

11                           Эмчилгээ хийлгэхээс татгалзах

 

Буруу хооллолт, эрүүл бус амьдралын хэвшлээс үүдэж, цусны даралт өсөх, чихрийн шижин өвчтэй болдог. Харин аль хэдийн та чихрийн шижин, даралт ихсэх өвчтэй болчихсон бол, энэ нь бөөрөнд аюул ойртож байгааг сануулж байгаа хэрэг юм. Тиймээс чихрийн шижин, даралт ихсэх өвчнийг сүртэй зүйл биш хэмээн тоолгүй орхилгүй, эмчилгээ хийлгэж, бөөрөө хамгаалаарай. 

 

12                            Хэт их уургийн хэрэглээ

 

Харвардын их сургуульд хийгдсэн судалгаанаас үзэхэд, хэт их уургийг биедээ хуримтлуулах нь бөөрийг өвчлүүлж, гэмтээдэг хэмээжээ. Их хэмжээний уураг нь бөөрний ачааллыг нэмэгдүүлж, үрэвсэхэд хүргэдэг байна. Та хоолоо тохируулж идэн, уургийн хэрэглээгээ багасгахыг зөвлөе. 

 

13                               Өөрийгөө анзаарахгүй удаан явах

 

Бид хөнгөн ханиад томууг тоолгүй орхиж, биедээ ядрааж, сульдаах нь бий. Харин үүнээс үүдэж, таны бөөр гэмтэж, үрэвсдэг болохыг та мэдэх үү? Тиймээс өвчний жижиг, хөнгөн хэмээлгүй шаардлагатай арга хэмжээг авч, эмчлэх нь зүйтэй юм. 

 

14                           Хэт их согтууруулах ундаа хэрэглэх

 

Согтууруулах ундаанд агуулагдах хорт бодис нь ганцхан элгэнд биш, бөөрөнд ч мөн сөрөг нөлөө үзүүлдэг байна. Хэрэв та бөөрөө хамгаалж, эрүүл аюулгүй амьдрахыг хүсч байвал, согтууруулах ундааны хэрэглээгээ бууруулах хэрэгтэй аж.