ЖДҮ-гийн хэрэгт холбогдсон ч, УИХ-ын гишүүний бүрэн эрхтэйгээ үлдсэн дөрвөн гишүүний талаар  Н.Номтойбаяр гишүүн өчигдөр шинэ мэдээлэл дэлгэлээ. Тэрээр"Саяхан УИХ-ын авч үлдсэн дөрвөн гишүүний нэг нь л хуулийн байгууллагын дуудсан цагт очиж, гурав нь мөрдөн шалгах ажиллагаанд саад учруулж байгаа юм билээ” гэсэн юм.

Эх сурвалжийн мэдээлснээр УИХ-ын гишүүн Б.Ундармаа хуулийн байгууллагын заасан хугацаанд очиж, шалгуулж байгаа юм байна. Харин УИХ-ын гишүүн Л.Энхболд, Д.Дамба-Очир, Г.Солтан нарын гишүүд  хуулийн байгууллагын дуудсан цагт ирэхгүй, мөрдөн шалгах ажиллагаанд саад учруулж байгаа аж.

Албан бус мэдээгээр УИХ-ын гишүүн Д.Дамба-Очир нь ОХУ-д томилолтоор явсан бол, Л.Энхболд, Г.Солтан нар нь Монгол Улсад байгаа боловч албан ёсны бүртгэлтэй хаяг дээрээ байхгүй, утсаа авахгүй хуулийн байгууллагын үйл ажиллагаанаас зайлсхийж байгаа бололтой.

Эх сурвалж: itoim,mn