Японы Ерөнхий сайд Шинзо Абэ Европ болон Хойд Америкийн орнуудад хийж буй айлчлалын хүрээнд Франц улсад хүрэлцэн очсон байна.  

 

Ш.Абэ Францын Ерөнхийлөгч Эмманюэль Макронтой Парис хот дахь Ерөнхийлөгчийн ордонд мягмар гарагт уулзана. 

Хоёр орны удирдагчид ирэх зургадугаар сард Японд зохион байгуулах "Их-20”-ийн дээд хэмжээний уулзалтын үеэр хэлэлцэх асуудлын талаар санал солилцоно. Чөлөөт худалдааг хөгжүүлэх хийгээд далай тэнгис дэх хуванцар хаягдал зэрэг нь уулзалтын үеэр хэлэлцэх асуудлуудад багтах юм.

"Их-20”-ийн дээд хэмжээний уулзалтыг амжилттай зохион байгуулах чиглэлд Япон, Франц хамтран ажиллана хэмээн Ш.Абэ найдаж байна. Мөн тэрбээр, гал түймэрт сүйдсэн Парисын Эх дагинын сүмийг сэргээн засварлахад тусламж үзүүлэхийг санал болгохоор төлөвлөж байгаа ажээ.

Япон-Францын удирдагчид Японы автомашин үйлдвэрлэгч "Nissan Motor” болон Францын "Renault” компанийн харилцаа холбооны талаар мөн хэлэлцэх юм.

Ш.Абэ Францад айлчилсны дараа Итали, Словак, Бельги, АНУ, Канадад айлчилна.