Найман тэрбум төгрөг шамшигдуулсан хэрэгт Н.Алтанхуягийг шалгана
Ардчилсан намын удирдлагууд дотоод аудитын шалгалт оруулжээ. Энэхүү шалгалтаар 2008-2016 он хүртэлх намын санхүү, эд хөрөнгийн бүртгэлийг шалгасан бөгөөд эхний ээлжид найман тэрбум төгрөгийн санхүүгийн зөрчил илэрсэн байж болзошгүй байна. Эх сурвалжийн хэлж байгаагаар Соёлын төв өргөөний хүзүүвчинд байрлаж байсан АН-ын байрыг долоон тэрбум төгрөгөөр зарсан асуудал болон "Шинэ байр барина" хэмээн гишүүдээсээ хандив цуглуулж, "Алт", "мөнгөн" тоосго зарсан мөнгө гээд нийтдээ найм орчим тэрбум төгрөгийн асуудал яригдаж байгаа аж. Үүнээс тодорхой болсон нь Н.Алтанхуяг намын даргаар ажиллаж байхдаа тус мөнгөнөөс өөртөө шинэ Лексус 570 автомашин авахуулаад түүнийгээ хүлээлгэж өгөлгүй завшсан. Мөн тус намд бүртгэлтэй тоног төхөөрөмжүүдийг тонож, санхүүгийн тайлан бүртгэлгүй их хэмжээний мөнгө (найман тэрбум) бэлэн болон бэлэн бусаар шилжүүлж авсан асуудлууд багтаж байгаа гэнэ. АН-ын удирдлагууд уг асуудлаар удахгүй хуул хяналтын байгуулагад хандана гэсэн мэдээлэл байна.
Дашрамд дурдахад, Н.Алтанхуяг нь АН-ын даргаар зургаан жил ажиллах хугацаандаа Шадар сайд, Тэргүүн шадар сайд, Ерөнхий сайд зэрэг төрийн өндөр албан тушаал хашиж, Цэвэр агаар сан, Эрдэнэс-Тавантолгой, Багануурын нүүрсний гэх нийтдээ 50 орчим тэрбум төгрөгийн авлигал, хээл хахууль, албан тушаалын хэрэгт нэр холбогдож байв.
Сэтгэгдэл байхгүй байна.