Их Британийн Ерөнхий сайд Тереза Мэй Батлан хамгаалахын сайд Гэвин Уильямсоныг албан тушаалаас нь огцруулах хүсэлтэй байгаагаа мэдэгджээ. Гэвин Уильямсоныг Үндэсний аюулгүй байдлын зөвлөлийн хуралдаанаас зөвшөөрөлгүйгээр мэдээлэл тараасантай  нь холбогдуулан тэрбээр ийнхүү мэдэгдсэн байна.

 

"Гэвин Уильямсоны Батлан хамгаалахын сайд болон Сайд нарын танхимын гишүүний үүргийг гүйцэтгэх чадварт нь итгэх итгэлээ Ерөнхий сайд Т.Мэй алдсан учир түүнийг албан тушаалаасаа огцрохыг хүссэн. Үндэсний аюулгүй байдлын зөвлөлийн хуралдаанаас зөвшөөрөлгүйгээр мэдээлэл задруулсан асуудлаар мөрдөн шалгах ажиллагаа явуулсны үндсэн дээр Ерөнхий сайд энэ шийдвэрийг гаргасан. Түүнчлэн тэрбээр энэ асуудлаар нягт хамтран ажилласанд нь Үндэсний аюулгүй байдлын зөвлөлийн гишүүдэд талархал илэрхийлсэн” хэмээн Засгийн газрын хэрэг эрхлэх газрын мэдэгдэлд дурджээ.

Гэвин Уильямсоны хувьд албан тушаалаас нь огцруулах шийдвэрийг улс төрийн зорилготой гэж үзэж байгаагааилэрхийлэхийн сацуу мэдээлэл алдагдах явдалтай холбоогүй гэдгээ мэдэгдсэн байна.