"Моносын” гэх тодотголтой Л.Эрдэнэчимэг гишүүнийг УИХ-аасТавантолгой төслийн ажлын хэсгийн ахлагчаар томилж байсан нь саяхан. Түүнийг ийнхүү томилогдоход зарим гишүүд "Эрдэнэчимэгийн бяцхан тархи энэ асуудалд хүрэлцэх болов уу. Эм ханган нийлүүлэх газар, эрдэнэсийн уурхай хоёр  чинь тэс өөр зүйл дээ” гэцгээж байсан. Харин нэг хэсэг нь  "Шартай, шазруун хүүхэн. Нэг ажил эхэлвэл дуусгаж  байж санааа нь амардаг. Залхуу нь хүрвэл тамхиа баагиулаад гэдийчихэж мэднэ дээ” гэх зэргээр магтаал шүүмжлэл зэрэгцэж байсан. 

Тэгвэл тэрбээр  овоо зэгсэн ажилласан  уу, эсвэл эвдрэлцэхэд бэлхэн байгаа хэсэг бүлэг нөхдөд дэм өгч орхисон уу, юутай ч Монгол Улсын сайд М.Энхсайханд хуулийн дагуу хариуцлага тооцуулах тухай албан бичгийг Ерөнхий сайд Ч.Сайханбилэгт хүргүүлээдхэв.
Тэбрээр албан бичигтээ "Монгол Улсын сайд М.Энхсайхан болон түүний ажлын хэсгийн боловсруулсан  гэх Тавантолгой ордыг ашиглах Хөрөнгө оруулалтын болон дагалдах бусад гэрээний төсөл нь Монгол Улсын хууль тогтоомж, Үндэсний Аюулгүй байдлын зөвлөмжийг илтэд зөрсөн.

Үндэсний аюулгүй байдалд сөрөг нөлөө үзүүлэх гэмт хэргийн шинж агуулсан гэж үзэж болохоор байна. Иймд Монгол Улсын сайд М.Энхсайханд болон түүний ажлын хэсгийн бүх гишүүдэд хуулийн дагуу хариуцлага тооцож, эргэн мэдэгдэхийг шаардаж байна” гэсэн аж.
Түүний ийнхүү дурдсаныг  нам эвсэл гэхгүй  УИХ-ын гишүүд бараг бүгдээрээ  амьсгаа даран сонирхож, хэн хаанаас юу гэж дуугарахыг хүлээж байгаа гэх бор шувууд жиргээд эхэлчихэж.
                                                                                                                          С.Туул
                                                                                                                        Olloo.mn