Өөрийгөө зарлан тунхагласан Бүгд Найрамдах Луганск Ард улсын Гадаад хэргийн сайд Владислав Дайнего болон Өмнөд Осетийн Гадаад хэргийн сайд Дмитрий Медоев нар хоёр улсын хооронд дипломат харилцаа тогтоох тухай хэлэлцээрт гарын үсэг зуржээ.

 

Баримт бичигт мөн хамтын ажиллагаагаа улам бэхжүүлэхийг тусгажээ. "Энэхүү алхам нь хоёр улсын харилцааг өргөжүүлэн бэхжүүлэх боломжийг олгох юм" хэмээн Медоев онцлон тэмдэглэжээ.

Өмнө нь Өөрийгөө зарлан тунхагласан Бүгд Найрамдах Луганск Ард улсын Ерөнхийлөгч Леонид Пасечник, Өмнөд Осетийн Ерөнхийлөгч Анатолий Бибилов нар 2018 оны 12 дугаар сард гарын үсэг зурсан Найрамдал, хамтын ажиллагаа, харилцан туслалцааны тухай гэрээг соёрхон баталсан батламж бичгийг солилцсон байна.