Гадаад харилцааны сайд Ц.Мөнх-Оргил Балба Улсын Гадаад хэргийн сайд Пракаш Шаран Махатын урилгаар өчигдөр, өнөөдөр хоёр өдрийн хугацаатайгаар Балба улсад айлчилжээ.

Харамсалтай нь бидэнтэй дипломат харилцаа төдийлөн хөгжүүлж амжаагүй Балбачуудын туршлага дутав уу гэлтэй, манай Төрийн далбааг алдаатай урлажээ. Үүнийг нь ч Ц.Мөнх-Оргил сайд анзаарсангүй бололтой зураг татуулсан нь Хималайтаймс хэмээх сайтад гарч, цахим орчинд шүүмжлэл дагуулж байна. 

Айлчлалын үеэр Гадаад хэргийн сайд нар сэтгүүлчид, хэвлэл мэдээллийн байгууллагын ажилтнуудыг харилцан айлчлуулах, парламент хоорондын хамтын ажиллагааг хөгжүүлэх чиглэлээр хамтарч ажиллахаар тогтож, Монгол Улсын Засгийн газар, Холбооны Бүгд Найрамдах Ардчилсан Балба Улсын Засгийн газруудын хооронд дипломат болон албан паспорт эзэмшигчдийг визээс харилцан чөлөөлөх тухай хэлэлцээрт гарын үсэг зуржээ.

Т.Бэх