Иракт терроризмтой тэмцэх ажиллагаа явуулж эхэлснийг мэдэгджээ
Турк улс Иракийн хойд нутагт терроризмтой тэмцэх хуурай замын болон агаарын ажиллагааг эхлүүлжээ. Энэ тухай Туркийн цэргийн байгууллагын мэдэгдэлд дурдсан байна.
""Лапа” ажиллагааны хүрээнд их бууны батарей болон агаарын-десантын отряд тавдугаар сарын 27-нд Иракийн хойд нутагт террористуудтай тэмцэх ажиллагаа явуулж эхэллээ. Ажиллагаанд АТАК нисдэг тэргүүдийг оролцуулж байна. Хакурк бүс нутагт явуулж буй ажиллагааны гол зорилго нь террористуудын хүчийг саармагжуулах юм” гэж мэдэгдэлд дурджээ.
Туркийн Зэвсэгт хүчин Курдистаны ажилчны намын Иракийн хойд нутаг дахь байрлалуудад тогтмол цохилт өгөх аж. Хил дамнасан ийм цэргийн ажиллагаа явуулах зөвшөөрлийг Туркийн парламент олгодог бөгөөд сүүлийн найман жил туршид сунгаж байгаа юм. Курдистаны ажилчны намыг Туркийн эрх баригчид үндэсний аюулгүй байдалд заналхийлж буй гол аюулуудын нэг гэж үздэг бөгөөд террорист байгууллагуудын тоонд оруулдаг.
Сэтгэгдэл байхгүй байна.