Террорист халдлага гарахаас сэрэмжилжээ
Туркийн өмнөд хэсгийн Ван мужид явуулсан терроризмтэй тэмцэх ажиллагааны үеэр халдлага үйлдэхээр бэлтгэж байсан нэг террорист этгээдийг хөнөөж, өөр нэгийг нь баривчилсан тухай тус мужийн захирагчийн албанаас лхагва гарагт мэдээлэв.
Дээрх мэдэгдэлд дурдсанаар, Ван мужийн Баскале дүүрэгт аюулаас хамгаалах хүчний ажилтнууд халдлага үйлдэхээр төлөвлөж байсан террорист этгээдүүдийн эсрэг ажиллагааг наймдугаар сарын 14-15-нд явуулсан байна. Уг ажиллагааны үеэр аюулаас хамгаалах хүчнийхэн "M-16” автомат буу, дөрвөн гар бөмбөг болон бууны их хэмжээний сум хураан авсан байна.
Турк улсын эсрэг 30 гаруй жилийн турш террорист ажиллагаа явуулж байгаа Курдистаны ажилчны намыг дэмжигч бүлэг нь Турк, АНУ болон Европын холбооны орнуудад террорист байгууллагын жагсаалтад бүртгэлтэй байдаг ба уг бүлгийн үйлдсэн террорист ажиллагааны улмаас 40 мянга гаруй хүн амиа алдсан ажээ.
Сэтгэгдэл байхгүй байна.