Япон болон ОХУ Умард Солонгосыг цөмийн зэвсгээс ангижруулахын тулд хамтын ажиллагаагаа үргэлжлүүлэхээр тохиролцлоо гэж Японы Гадаад хэргийн сайд Коно Таро "2+2" хэлбэрээр хийсэн уулзалтын дараа мэдэгджээ.

"Бид Умард Солонгосын өнөөгийн байдлын талаар санал бодлоо солилцлоо. Умард Солонгосыг цөмийн зэвсгээс ангижруулах асуудалд ахиц дэвшилд хүрэхийн тулд хамтын ажиллагаагаа үргэлжлүүлэх шаардлагатай гэдэгтэй бид санал нэгдсэн. Энэ бол бидний хамтын зорилт юм” гэж Коно мэдэгдсэн байна. Үүнээс гадна, тэнгисийн цэргийн салбар дахь харилцаа холбоогоо бэхжүүлэхээр тохиролцжээ.

Япон болон ОХУ-ын Гадаад хэрэг болон Батлан хамгаалах сайд нарын хооронд хийж буй хэлэлцээний дөрөв дэх үе шат Токио хотноо пүрэв гарагт болсон юм. Хэлэлцээ 1 цаг 40 минут үргэлжилсэн байна.