ШХАБ-ын уулзалтыг 500 гаруй сэтгүүлч сурвалжилна

0

 

ШХАБ-ын уулзалтыг 500 гаруй сэтгүүлч сурвалжилна

 

 Киргизийн нийслэл Бишкек хотноо зургадугаар сарын 13, 14-нд болох Шанхайн хамтын ажиллагааны байгууллагын /ШХАБ/ дээд хэмжээний уулзалтыг гадаад, дотоодын хэвлэл мэдээллийн байгууллагын 500 гаруй төлөөлөгч сурвалжилна гэж Киргизийн Ерөнхийлөгчийн хэвлэлийн албанаас мэдээлжээ.

 

Энэхүү арга хэмжээнд Энэтхэг, Казахстан, Хятад, Пакистан, ОХУ, Тажикистан, Узбекистан, Афганистан, Беларус, Иран, Монгол, Японы 115 хэвлэл мэдээллийн байгууллагын 434 сэтгүүлч оролцоно. Мөн Киргизийн 32 хэвлэл мэдээллийн байгууллагын 94 төлөөлөгч оролцох ажээ.

Зургадугаар сарын 13-нд Киргизийн Үндэсний Филармонид болох "Найрамдлын цуваа” гала тоглолтыг ШХАБ-ын гишүүн орнуудын төрийн тэргүүн нар үзэж сонирхоно.

Зургадугаар сарын 14-нд ШХАБ-ын төрийн тэргүүн нарын зөвлөлийн дээд хэмжээний уулзалт "Ala-Archa” ордонд болно. Уг уулзалтыг "Ala-Too 24” суваг шууд дамжуулан үзүүлнэ

ШХАБ-ын найман гишүүнд Энэтхэг, Казахстан, Киргиз, Хятад, Пакистан, ОХУ, Тажикистан, Узбекистан, ажиглагч дөрвөн оронд Афганистан, Беларус, Иран, Монгол багтдаг юм. Бишкек хотод ШХАБ-ын дээд хэмжээний уулзалтаас гадна олон улсын олон арга хэмжээг зохион байгуулах ажээ. 


Холбоотой мэдээ

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Tonshuul.mn хариуцлага хүлээхгүй болно.

Сэтгэгдэл:
Bold Italic Underline Strike | Align left Center Align right | Insert smilies Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler

Сэтгэгдэл байхгүй байна.