Индонезод хөлөг онгоц осолдож 17 хүн амиа алджээ
Индонезын эрэг хавьд зорчигч тээврийн хөлөг онгоц осолдсоны улмаас 17 хүн амиа алдаж нэг хүн сураггүй болсонд тооцогдож байгаа тухай Синьхуа агентлаг мэдээлжээ.
Индонезын Зүүн Ява мужийн эрэг хавьд явж байсан хөлөг онгоц хөмөрсний улмаас хоёр хүн амиа алдсан гэж урьд нь мэдээлж байв.
Синьхуа агентлагийн мэдээлснээр, ослын үеэр 39 зорчигчийг аварч чаджээ. Одоогийн байдлаар эрэн хайх-аврах ажиллагаа үргэлжилж байгаа бөгөөд түүнд дөрвөн шумбагч оролцож байна.
Сэтгэгдэл байхгүй байна.