Дэлхийн хэмжээний мэргэжлийн бодибилдинг фитнессийн тамирчны эрх олгох "IFBB Pro Qualifier” тэмцээн энэ сарын 24-нд Корпрэйт конвеншн центрт болно. Монгол Улсад анх удаа болж буй тус тэмцээн олон улсын болон дотоодын холбооны харьяалал шаарддаггүй учир тамирчин бүрт нээлттэй аж. Түүнчлэн бодибилдинг фитнессээр хичээллэгч хүн бүр оролцох эрхтэйгээс гадна жингийн болон ангилал бүрийн аваргуудад мэргэжлийн карт олгодог, "IFBB Pro league”-ийн шүүгч нар шүүдэг гэдгээрээ онцлог юм.

Сонирхуулахад, бодибилдинг, фитнессээр хичээллэж буй тамирчид IFBB Professional League холбооны тэмцээн буюу "Pro Qualifier” тэмцээнд оролцож, мэргэжлийн үнэмлэх(IFBB Pro Card) авснаар мэргэжлийн тамирчин болох гарц нээгддэг аж.